បរទេស៖ ការប្រជែងរបស់ Lille ដើម្បីលើកពាន Ligue 1 នឹងត្រូវបន្តរហូតដល់ចុងសប្តាហ៍ចុងក្រោយនៃរដូវកាលនេះ ក្រោយពីការបញ្ចប់ក្នុងលទ្ធផលស្មើ ០-០ ជាមួយនឹងក្រុម Saint-Etienne បានអនុញ្ញាតឲ្យ Paris Saint-Germain ដេញតាមពីក្រោយក្រុមកំពុងនាំមុខមួយនេះ១ពិន្ទុ។
ក្រុមម្ចាស់ការពារជើងឯក PSG បានយកឈ្នះលើក្រុម Reims ដោយងាយក្នុងលទ្ធផល ៤-០ ដើម្បីដាក់សម្ពាធលើក្រុម Lille ដែលនឹងឈ្នះពានលីករបស់បារាំងជាលើកទី១ បើគិតចាប់តាំងពីឆ្នាំ២០១១ ប្រសិនបើពួកគេយកឈ្នះលើទឹកដីក្រុម Angers នៅថ្ងៃអាទិត្យ ចុងសប្តាហ៍នេះ។ Monaco ក៏ស្ថិតក្នុងការប្រជែងដណ្តើមពានផងដែរ ក្រោយពីការដណ្តើមបានជ័យជម្នះក្នុងលទ្ធផល ២-១ របស់ពួកគេ លើក្រុម Rennes បានជួយឲ្យក្រុមរបស់លោក Niko Kovac ដេញតាមពីក្រោយ Lille ៣ពិន្ទុ ខណៈដែលនៅសល់ការប្រកួត១លើកទៀត។
ប៉ុន្តែ Monaco មានគ្រាប់បាល់ស៊ុតបញ្ចូលទីសរុបតិចជាងក្រុម Lille និង PSG ហេតុនេះ ពួកគេត្រូវតែយកឈ្នះលើក្រុម Lens នៅថ្ងៃចុងក្រោយ ហើយគូប្រជែងទាំង២របស់ពួកគេ រងបរាជ័យ៕
ប្រភពព័ត៌មាន៖ Channel News Asia