បរទេស៖ ម្ចាស់ផ្ទះ AC Milan បានបរាជ័យក្នុងការផ្តួលក្រុមភ្ញៀវ Cagliari សម្រាប់ការប្រកួតក្របខ័ណ្ឌលីកកំពូលអ៊ីតាលី Serie A សប្តាហ៏ទី៣៧ កាលពីយប់ថ្ងៃអាទិត្យ។ លទ្ធផលស្មើគ្នា០ ទល់និង០ សម្រាប់AC.Milan នេះបានបន្ត ក្តីសង្ឃឹមអោយក្រុមលេខរៀងទី ៥ Juventus នូវការប្រជែងយកតំណែងTop-៤ ដើម្បីមានឪកាសប្រកួតជម្រុះយកកៅអី Top-៤ សម្រាប់ក្របខណ្ឌ Champions League នៅរដូវកាលថ្មី។
AC Milan បច្ចុប្បន្នឈរនៅចំណាត់ថ្នាក់លេខ ៤ ដោយមានពិន្ទុស្មើក្រុមលេខ ៣ Napoli ដែលបានបំបាក់ក្រុម Fiorentina ក្នុងលទ្ធផល ២-០ កាលពីថ្ងៃអាទិត្យ ដោយការស៊ុតបញ្ចូលទីរបស់ Lorenzo Insigne និងគ្រាប់បាល់ចូលទីខ្លួនឯង។Juventusក្រោមការដឹកនាំរបស់លោក Andrea Pirlo មានគម្លាត១ពិន្ទុប៉ុណ្ណោះពីក្រុម AC Milan ហើយប្រសិនជា Napoli និង AC Milan ទាំងពីរក្រុមនេះទទួលជ័យជំនះរៀងខ្លួននៅថ្ងៃបិទបញ្ចប់រដូវកាលនោះ Juventus និងអស់ឪកាសលេងនៅ ពានរង្វាន់ទ្វីបអឺរ៉ុប ជាលើកដំបូងចាប់តាំងពីរដូវកាល ២០១១-២០១២។
យ៉ាងណាមិញAC Milan ត្រូវធ្វើការប្រកួតទល់និងក្រុមលេខរៀងទី២ Atalanta ខណៈNapoli ត្រូវជួប Veronaប៉ុន្តែប្រសិនជារវាងក្រុមទាំង ពីរមានមួយណាបរាជ័យហើយJuventusអាចផ្តួល Bolognaនោះពួកគេនិងមាន ឪកាសលេងនៅChampion League បានជាក់ជាមិនខាន៕
ប្រភពព័ត៍មាន៖ BBC