បរទេស៖ ខ្សែបម្រើ N’Golo Kante របស់ក្រុមតោខៀវ Chelsea បានរងរបួសសម្រាប់ការប្រកួតក្របខ័ណ្ឌ Premier League ជាមួយនឹងគូប្រជែងកំពូលតារាងទាំងបួននិងជាក្រុមដែលបានផ្តួលពួកគេកាលពីថ្ងៃសៅរ៏ដើម្បីលើកពាន FA Cup គឺកញ្ជ្រោងខៀវ Leicester City។ការប្រកួតសប្តាហ៏ទី៣៧កាលពីថ្ងៃអង្គារម្សិលមិញនេះ ក្រុមម្ចាស់ផ្ទះមានឪកាស រកបានជ័យជំនះលើក្រុមភ្ញៀវក្នុងលទ្ធផល២ទល់និង១ដើម្បីជាការស្តារមុខមាត់ឡើងវិញក្រោយបរាជ័យកាលពីសប្តាហ៏មុន។
ខ្សែបម្រើវ័យ ៣០ ឆ្នាំរូបនេះត្រូវបានប្តូរចេញដោយមិត្តរួមក្រុម Mateo Kovacic កន្លះម៉ោងមុនបញ្ចប់ការប្រកួតនៅទឹកដី Stamford Bridge ខណៈដែលរូបគេ ត្រូវបានមើលឃើញថាបានដើរចេញពីទីលានប្រកួតនិងបាននិយាយពាក្យយ៉ាងខ្លីជាមួយគ្រូបង្វឹកលោក Thomas Tuchel មុនពេលធ្វើដំណើរចូលទៅបន្ទប់ផ្លាស់សំលៀកបំពាក់ដើម្បីពិនិត្យនិងព្យាបាលរបួសសរសៃពួរ។
កីឡាករអន្តរជាតិបារាំងរូបនេះមិនបានរងនូវការឈឺចាប់លើផ្នែកមុខរបួសគួរឱ្យកត់សម្គាល់នោះទេខណៈដែល Chelsea សង្ឃឹមថាបញ្ហានេះនិងមិនមានអ្វីធ្ងន់ធ្ងរមុនការប្រកួតវគ្គផ្តាច់ព្រ័ត្រក្របខណ្ឌ Champions League ជាមួយ Man. City នៅថ្ងៃទី ២៩ ខែឧសភាខាងមុខនេះផងដែរ។ Chelsea ក៏ត្រូវមានការប្រកួតដ៏សំខាន់មួយទៀតជាមួយ Aston Villa នៅថ្ងៃអាទិត្យទី២៣និងជាថ្ងៃចុងក្រោយនៃការប្រកួតបិទបញ្ចប់រដូវកាលក្របខ័ណ្ឌ Premier League ។យ៉ាងណាមិញក្រុម លោកTuchel និងត្រូវតែប្រាកដថាឈ្នះជាដាច់ខាតដើម្បី កំណត់ថាពួកគេបញ្ចប់រដូវកាលក្នុងចំណាត់ថ្នាក់លីកកំពូល ទាំង បួនរឺយ៉ាងណានោះ៕
ប្រភពព័ត៍មាន៖ Sportsmole