បរទេស៖ ខ្សែប្រយុទ្ធ Harry Kane របស់ក្លិប Tottenham បានបញ្ជាក់យ៉ាងច្បាស់ថា រូបគេត្រៀមខ្លួនរួចរាល់ក្នុងការចាកចេញពីក្លិបស្ថិតក្នុងក្របខ័ណ្ឌ Premier League និងបានបញ្ជាក់ថា រូបគេនឹងគ្រប់គ្រងលើអនាគតរបស់ខ្លួនឯង។ Kane ត្រូវបានព័ត៌មានចេញផ្សាយថា បានប្រាប់ក្លិប Spurs ថា រូបគេចង់ឲ្យក្លិបលក់រូបគេចេញ នៅពេលបញ្ចប់រដូវកាលនេះ ក្រោយពីបានជួបកាខកចិត្តចំពោះការខ្វះការអភិវឌ្ឍ ក្នុងក្លិបមានមូលដ្ឋាននៅទីក្រុងឡុងដ៍ភាគខាងជើងមួយនេះ។
ប្រធានក្រុមនៃក្រុមជម្រើសជាតិអង់គ្លេសរូបនេះ ដែលឈានចូលវ័យ២៨ឆ្នាំនៅខែកក្កដា នៅជាប់កិច្ចសន្យារយៈពេល៣ឆ្នាំទៀត ក្នុងកិច្ចសន្យារបស់គេ ហើយ Spurs បានរក្សាជំហររបស់ខ្លួនថា កីឡាកររូបនេះមិនមែនសម្រាប់លក់ឡើយ ដែលមានន័យថា អាចនឹងមានការប្រឈមមុខដាក់គ្នា។ ក្លិប Manchester City, Manchester United និង Chelsea សុទ្ធសឹងត្រូវបានទាក់ទងជាមួយនឹងការផ្ទេរនាំយកខ្សែប្រយុទ្ធដែលរកបានគ្រាប់បាល់ច្រើនជាងគេរបស់ក្របខ័ណ្ឌ Premier League មួយនេះ។ Kane បាននិយាយថា រូបគេចង់បានកិច្ចសន្ទនាមួយជាមួយនឹងប្រធានក្លិបលោក Daniel Levy អំពីអនាគតរបស់គេ។
/cdn.vox-cdn.com/uploads/chorus_image/image/69304553/1232924866.5.jpg)
Kane បានប្រាប់ប៉ុស្តិ៍ The Overlap របស់លោក Gary Neville ថា៖ «ខ្ញុំគិតថា គួរតែមានកិច្ចសន្ទនារមួយជាមួយនឹងក្លិបនេះ។ ខ្ញុំចង់លេងក្នុងការប្រកួតធំៗបំផុត និងដំណាក់កាលដ៏ធំបំផុត»៕
ប្រភពព័ត៌មាន៖ Channel News Asia
