បរទេស៖ Dortmund និង Tottenham មានចំណាប់អារម្មណ៏ចង់ប្រជែងគ្នាចុះហត្ថលេខានាំយកបានអ្នកចាំទី Dean Henderson ពីក្រុម Man United នៅរដូវក្តៅនេះយោងគេហទំព័រ Sky Sports News បានចូហផ្សាយ។
អ្នកចាំទីអន្តរជាតិអង់គ្លេសរូបនេះបានបង្ហាញសមត្ថភាពជាកីឡាករដៃទី១សម្រាប់ក្លឹបក្នុងប៉ុន្មានសប្តាហ៍ថ្មីៗនេះ បើទោះបីជា២ប្រកួតចុងក្រោយស្មើជាមួយ Fulham ក្រោយចាញ់ Liverpool កាលពីសប្តាហ៏មុននៅក្របខណ្ឌ Premier League យ៉ាងណាក្តី។ ក៏ព្រោះតែក្លឹបទាំងពីរ ខាង លើយល់ឃើញថាកីឡាករវ័យ២៤ឆ្នាំរូបនេះនៅឡើយមិនទាន់ធានាបានថារដូវកាលថ្មីខ្លួននិងអាចជាប់ជម្រើស ដំបូង ដូចពេលនេះរឺយ៉ាងណានោះផងដែរ។
រីឯអ្នកចាំទីចាស់វស្សា David de Gea និងត្រូវគ្រូបង្វឹកលោកSolskjaerដាក់អោយបង្ហាញខ្លួនសម្រាប់វគ្គផ្តាច់ព្រ័ត្រ ពានរង្វាន់ Europa League នៅសប្តាហ៍ក្រោយទល់នឹង Villarreal ក្លឹប Man Unitedក៏ មិនរំពឹងថា Henderson និង De Gea ទាំងពីរនឹងអាចបន្តស្នាក់នៅជាមួយក្លឹបនៅអាណត្តិក្រោយនោះបន្តទៀតរឺយ៉ាងណានោះទេ?។ Henderson បានជួយសង្គ្រោះមិនអោយគូបដិបក្សស៊ុតបញ្ចូលទីបានដល់ទៅ១៣ដង ក្នុងចំណោមការប្រកួតសរុប ២៥ ដងនៅគ្រប់ក្របខណ្ឌប្រកួតនារដូវកាលនេះស្របពេលកិច្ចព្រមព្រៀងខ្លួនមានជាមួយក្លឹបដល់សុពលភាពរហូតដល់ឆ្នាំ ២០២៥៕
ប្រភពព័ត៍មាន៖ Sportsmole