បរទេស៖ ខ្សែប្រយុទ្ធឆ្នើម Robert Lewandowski របស់ក្រុម Bayern Munich បានស៊ុតបញ្ចូលទីគ្រាប់បាល់នៅនាទី ចុងក្រោយនៃរដូវកាលនេះក្នុងការប្រកួតបិទរដូវកាលសប្តាហ៏ទី៣៤ដោយការផ្តួលក្រុមភ្ញៀវ Augsburg ក្នុងលទ្ធផល៥ទល់និង២ សម្រាប់ការប្រកួតកាល់ពីយប់ថ្ងៃសៅរ៏ម្សិលមិញនេះ។
:focal(1524x612:1526x610)/origin-imgresizer.eurosport.com/2021/05/22/3137791-64311548-2560-1440.jpg)
លទ្ធផលនេះវាជាការបំបែកកំណត់ត្រា ៤៩ ឆ្នាំនៃគ្រាប់បាល់បញ្ចូលទីនៅក្របខណ្ឌលីកកំពូលអាឡឺំម៉ង់Bundesliga របស់ វីរបុរសក្លឹបលោក Gerd Muller ដែលធ្លាប់បង្កើតកំនត់ត្រាស៊ុតបញ្ចូលទី៤០គ្រាប់ក្នុង១រដូវកាលកន្លងមក។ សម្រាប់ គ្រាប់បាល់ទី ៤១ របស់គាត់នៅរដូវកាលនេះមានន័យថាខ្សែប្រយុទ្ធអន្តរជាតិប៉ូឡូញរូបនេះរកបានគ្រាប់បាល់ ស៊ុត បញ្ចូលទី ៥៣ គ្រាប់ក្នុង ៤៦ ប្រកួតសម្រាប់ក្លឹបនិងជម្រើសជាតិមុនព្រឹត្តការណ៏ប្រកួតយូរ៉ូឆ្នាំ ២០២០ដែលនិងចាប់ផ្តើមធ្វើការប្រកួត នៅខែមិថុនាខាងមុខនេះផងដែរ។
ក្លឹប Bayern Munich ដែលបានបញ្ចប់ការឈ្នះពានរង្វាន់ Bundesliga ជាលើកទី ៩ ជាប់ៗគ្នារបស់ពួកគេនោះបានធ្វើពីធិ លាអ្នកចាត់ការរបស់ពួកគេគឺលោកHansi Flick និងកីឡាករឆ្នើមមួយចំនួនមានដូចជាDavid AlabaដែលនឹងចាកចេញទៅចូលរួមជាមួយReal Madridនៅរដូវក្តៅនេះ។សម្រាប់លោក Hansi Flick ត្រូវបានតែងតាំងជាគ្រូបង្វឹកនៅខែវិច្ឆិកាឆ្នាំ ២០១៩ និងបានជួយក្លឹបឈ្នះChampions League និងក្របខណ្ឌ Bundesliga ២ ដង ពានរង្វាន់ German, Uefa Super Cup និង Club World Cup៕
ប្រភពព័ត៍មាន៖ BBC
