បរទេស៖ បិសាចក្រហម Man Utd បានក្លាយជាក្រុមដំបូងបង្អស់ដោយបង្កើតកំនត់ត្រាតាមស្មើក្លឹបកាំភ្លើងធំ Arsenal ក្រោយបញ្ចប់រដូវកាល Premier League មិនស្គាល់ចាញ់សោះសម្រាប់ការប្រកួតក្រៅទឹកដីពេលផ្តួលម្ចាស់ផ្ទះ Wolves ២ទល់និង១ ទល់និងក្រុមកាលពីថ្ងៃអាទិត្យ។ ក្រុមលោក Ole gunnar Solskjaer បានទទួលចំណាត់ថ្នាក់ជើងឯករង Premier League ក្រោយបញ្ចប់រដូវកាល២០២០-២០២១ បន្ទាប់ពី Man City។
កីឡាករយុវជន Anthony Elanga បានស៊ុតបាល់បញ្ចូលទីគ្រាប់បាល់លើកដំបូងសម្រាប់Man.Utdក្រោយបង្ហាញខ្លួនឈុតធំក្នុងការប្រកួតនៅកីឡាដ្ឋាន Molineux ប៉ុន្តែការរកគ្រាប់បាល់តាមស្មើរបស់ Nelson Semedo បានស្តារមុខមាត់ក្រុមម្ចាស់ផ្ទះ មុនពេលខ្សែបម្រើស្លាបចាស់វស្សា Juan Mata បន្ថែមគ្រាប់បាល់ទី២នាំមុខដោយការទាត់បាល់ពិន័យ១១ម៉ែត្រនិងជាគ្រាប់បាល់ជ័យជំនះផងដែរ។
/cdn.vox-cdn.com/uploads/chorus_image/image/69330921/1233065605.0.jpg)
Arsenal គឺជាក្លឹបដែលធ្លាប់បង្កើតកំនត់ត្រានៅ ក្របខ័ណ្ឌ Premier League ដោយបានបញ្ចប់រដូវកាលមិនដែលចាញ់ក្រៅផ្ទះដល់ទៅ២លើកពោលគឺនៅរដូវកាល ២០០១-២០០២ និងរដូវកាល ២០០៣/២០០៤ របស់ពួកគេសម័យកាល ដែលលោកArsene Wengerដឹកនាំក្រុម។៕
ប្រភពព័ត៍មាន៖ Metro
