បរទេស៖ ទីបំផុត Juventus បានដណ្តើមកៅអីទៅលេងនៅក្របខណ្ឌ Champions League នារដូវកាលក្រោយជាមួយនឹងជ័យជម្នះចុងក្រោយនៅថ្ងៃបិទបញ្ចប់រដូវកាលក្រោយផ្តួល Bologna ៤ទល់និង១កាលពីយប់ថ្ងៃអាទិត្យ។ ក្រុមដែលដឹកនាំដោយលោក Andrea PirloគឺJuventus ឈរនៅចំណាត់ថ្នាកទី៥ ប៉ុន្តែក្លឹបបានទាញយក ផលប្រយោជន៍ពីលទ្ធផលស្មើគ្នា ១ទល់និង១ របស់ Napoli ជាមួយ Verona ដើម្បីបញ្ចប់ក្នុងចំណាត់ថ្នាក់លេខ ៤នេះ ហើយរុញអោយក្រុមលោកGennaro Guttosoធ្លាក់ទៅលេខ៥វិញ ។
/cdn.vox-cdn.com/uploads/chorus_image/image/69331478/1233071538.0.jpg)
ការប្រកួតដណ្តើមតំណែងTop៤មួយទៀតគឺ AC Milan បានផ្តួលក្រុមAtalanta ដើម្បីបញ្ចប់ក្នុងចំណាត់ថ្នាក់លេខ ២ដើម្បី កក់កៅអីក្នុងក្របខ័ណ្ឌ Champions League រីឯAtlantaបានធ្លាក់មកលេខរៀងទី៣វិញ។
Juventus ស្ទើរតែខកខានមិនបានលេងនៅក្របខណ្ឌChampion League ជាលើកដំបូងគិតចាប់តាំងពីរដូវកាល២០១១-២០១២ក្រោយឈ្នះជើងឯកអ៊ីតាលីអស់រយៈពេល ៩ ឆ្នាំជាប់ៗគ្នាមុនពេលInter Milan លើកពាននៅរដូវកាលនេះ៕
ប្រភពព័ត៍មាន៖ BBC
