បរទេស៖ ខ្សែប្រយុទ្ធឆ្នើម Sergio Aguero បានបំបែកកំណត់ត្រាកីឡាករប្រវត្តិសាស្រ្ត Wayne Rooneyរបស់ក្រុមMan.Utd ក្នុងនាមកីឡាករដែលស៊ុតបញ្ចូលទីបានច្រើនជាងគេបំផុតនៅក្របខណ្ឌលីកកំពូលអង់គ្លេសសម្រាប់ក្លឹបតែមួយក្នុងអាជីពនាពេលកន្លងមក។
គួរបញ្ជាក់ថាកីឡាករអន្តរជាតិអាហ្សង់ទីនដែលរកគ្រាប់បាល់បានច្រើនបំផុតសម្រាប់ក្លឹប Man City នឹងត្រូវចាកចេញពីក្លឹបនៅចុងបញ្ចប់នៃរដូវ កាលនេះទៅកាន់ក្លឹបយក្សអេស្បាញBarcelonaនៅពេលបញ្ចប់រដូវកាល នេះ។ Aguero បានស៊ុតបញ្ចូលទី២គ្រាប់និងជាគ្រាប់បាល់សរុបលើកទី ១៨៤ នៅ Premier League នាថ្ងៃចុង ក្រោយនៃការប្រកួតបិទរដូវកាលក្នុងជ័យជម្នះ ៥ទល់និង០ លើក្រុមភ្ញៀវ Everton។
មានន័យថាកីឡាករវ័យ៣២ឆ្នាំរូបនេះក្រោយប្តូរចូលក្នុងនាមកីឡាករបម្រុងនៅនាទីទី ៦៥ មានឪកាសរកបានគ្រាប់បាល់២គ្រាប់យ៉ាងលឿនចន្លោះត្រឹមតែ៥នាទីពោលគឺនៅទី៧១ និង ៧៦ដើម្បីបំបែកកំណត់ត្រារបស់ Rooney ដែលធ្លាប់រកបាន១៨៣ គ្រាប់អោយក្លឹបMan. Utdនាពេលកន្លងមក៕
ប្រភពព័ត៍មាន៖ Goal