បរទេស៖ កីឡាករអង់គ្លេសរបស់ក្រុម Man. Utd ៣រូបបានក្លាយជាក្តីសង្ឃឹមថាពួកគេនឹងអាចបញ្ចុះបញ្ចូល មិត្តរួមជាតិ Harry Kane ឱ្យផ្លាស់ទៅកាន់ទឹកដី Old Trafford ក្នុងរដូវកាលដោះដូរនារដូវក្តៅនេះ។Kane បានឈ្នះស្បែកជើងនៅក្របខ័ណ្ឌ Premier League សម្រាប់យុទ្ធនាការរដូវកាល ២០២០-២០២១ ក្រោយរកគ្រាប់បាល់ចុងក្រោយលើកទី២៣ពេលជួប Leicester City កាលពីថ្ងៃអាទិត្យត្រូវបានគេរំពឹងថានឹងចាកចេញពីក្លិប Tottenham នាពេលឆាប់ៗខាងមុខនេះ។
ក្លឹបរួមទីក្រុងMan.Ctiy និង Man United មានទំនាក់ទំនងជាមួយកីឡាករវ័យ ២៧ ឆ្នាំរូបនេះខណៈ Chelsea, Barcelona និង Real Madrid ក៏ជាក្លឹបដែល កោតសរសើរពីទេពកោសល្យរបសខ្សែប្រយុទ្ធកណ្ដាលរូបនេះផងដែរ។ប្រភពពីគេហទំព័រ The Sun បានចុះផ្សាយថាមិត្តរួមជាតិអង់គ្លេស Harry Maguire, Luke Shaw និង Marcus Rashford ដែលត្រៀមបង្ហាញខ្លួនសម្រាប់ក្រុមជម្រើសជាតិអង់គ្លេសក្នុងយុទ្ធនាការប្រកួត Euro ឆ្នាំ ២០២០នៅខែមិថុនាខាងមុខនេះ និងក្លាយជាក្តីសង្ឃឹមក្នុងការបញ្ចុះបញ្ចូលប្រធានក្រុមរបស់របស់ពួកគេ ក្នុងការផ្លាស់មកកាន់ទឹកដីOld Trafford ។
ទោះយ៉ាងណាក្រុមលោក Ole Gunnar Solskjaer ក៏បានគេរំពឺងថាត្រៀមរៀបចំសំណើរជាទឹកប្រាក់ដ៏ធំមួយសម្រាប់ ប្រធានក្លឹប Tottenham លោក Daniel Levy ដើម្បីដេញថ្លៃKane នៅចន្លោះពី ១៣០ លានទៅ ១៥០ លានផោនឯណោះ៕
ប្រភពព័ត៍មាន៖ Sportsmole
