បរទេស៖​ Harry Maguire បានបង្ហើបប្រាប់លើការសម្រេចចិត្តផ្លាស់មកកាន់កីឡាដ្ឋាន Old Trafford ជំនួសអោយ​ការ​ផ្លាស់​ម​កកាន់ទឹកដី​ Etihad  ទោះបីមាន ចាប់អារម្មណ៍យ៉ាងខ្លាំង​និងការហៅទូរស័ព្ទ​ដោយផ្ទាល់ខ្លួន​ពីសំណាក់​លោក Pep Guardiola គ្រូបង្វឹក Man City ក៏ដោយ។

ប៉ុន្តែទីបំផុត​​ Maguire បានចាកចេញពីក្រុមកញ្ជ្រោងខៀវ Leicester City ក្នុងតម្លៃកំនត់ត្រាជាខ្សែការពារដែលមានតម្លៃ​ខ្លួនថ្លៃបំផុតក្នុងពិភពលោកគឺប្រមាណ ៨០ លានផោនក្នុងឆ្នាំ ២០១៩។

ប្រធានក្រុម Man Utd បច្ចុប្បន្នមានវ័យ២៨ឆ្នាំ បានពន្យល់ប្រាប់យ៉ាងដូច្នេះថា៖ «ពួកគេទាំងពីរ (Man Utd &​ Man ​City)​​ ចាប់អារម្មណ៍ខ្ញុំ តែ​ការ​ពិតពេល​ដែលខ្ញុំធំឡើងគឺខ្ញុំតែងមើលការលេងរបស់ Man Utd។ ដូច្នេះ Man City​​ មិនបាន​ស្ថិតក្នុងចិត្តខ្ញុំទេ ទោះបីខ្ញុំចិត្ត​ខ្ញុំ​មានការគោរពចំពោះគាត់ (Pep) ។ផ្ទុយទៅវិញ ​មានបេះដូងដិតជាប់​ជា​មួយបិសាចក្រហម Man Utd រួចទៅហើយ»៕

ប្រភពព័ត៍មាន៖ Daily Mail