បរទេស៖ ថ្មីទៀត Marcus Rashford បាននិយាយថារូបគេបានទទួលរងនូវពាក្យជេរប្រមាថពីសំណក់គណនេយ្យមិនស្គាល់អត្តសញ្ញាណយ៉ាងតិចចំនួន ៧០ នៅលើបណ្តាញទំនាក់ទំនងសង្គមបន្ទាប់ពីមិនអាចជួយក្រុមលើកពានបាល់ទាត់អាជីពលំដាប់កំពូលទី២ទ្វីបអឺរ៉ុប Europa League កាលពីថ្ងៃពុធពេលបរាជ័យក្រោមថ្ចីជើងក្លឹប Villarreal ។ក្រុមលោក Ole Gunnar Solskjaer បានចាញ់ក្នុងលទ្ធផលដោយបាល់កាត់សេចក្តីពិន័យ១១ម៉ែត្រក្នុងលទ្ធផល ១១-១0 បន្ទាប់ពីបញ្ចប់ការប្រកួតផ្លូវការណ៏និង បន្ថែមម៉ោងស្មើគ្នា១ទល់និង១ ខណៈអ្នកចាំទី David De Gea ស៊ុតបាល់ប៉េណាំងទីត្រូវអ្នកចាំទីVillareal ជួយសង្គ្រោះបាន។
ខ្សែប្រយុទ្ធក្រុមជម្រើសជាតិអង់គ្លេសរូបននេះបានសរសេរនៅលើបណ្តាញសង្គម Twitterយ៉ាងដូច្នេះថាៈ វាជាការជេរប្រមាថនិងរើសអើងជាតិសាសន៍មកលើរូបខ្ញុំ ម្តងហើយម្តងទៀត។ពួកគេមានចេតនាធ្វើឱ្យខ្ញុំមានអារម្មណ៍សោកសៅប៉ុន្តែជាសំណាងល្អដែលខ្ញុំមិនទទួលយកអារម្មណ៏បែបនោះទេ ។ Rashford បន្តថា៖ «ទោះបីជាខ្ញុំជាជនជាតិស្បែកខ្មៅតែខ្ញុំរស់នៅរាល់ថ្ងៃដោយសមត្ថភាពនិងមានមោទនភាពចំពោះអ្វីដែលខ្ញុំមាន។ មិនមាននរណាម្នាក់អាចនឹងនិយាយធ្វើអោយខ្ញុំមានអារម្មណ៏អាក់អន់ចិត្តបាននោះទេ។ សូមអភ័យទោសប្រសិនបើអ្នកចង់បានការ ប្រតិកម្មតបតគឺអ្នករកខុសទីកន្លែងហើយ»។
គួររំលឹកថាមិនមែនជាលើកទី១នោះទេសម្រាប់កីឡាករមានវ័យ២៣ឆ្នាំរូបនេះក៏ព្រោះតែកាលពីខែមករាដើមឆ្នាំ២០២១កន្លងទៅរូបគេក៏ត្រូវបានទទួលរងនូវទង្វើមិនគួរគប្បី និង អសីលធម៌ក្នុងនាមមនុស្សជាតិដូចគ្នានេះផងដែរនៅលើងប្រព័ន្ធផ្សព្វផ្សាយសង្គមក្រោយបញ្ចប់ការប្រកួតស្មើគ្នា ០ទល់និង០ ជាមួយក្រុមកាំភ្លើងធំ Arsenal៕
ប្រភពព័ត៍មាន៖ BBC