បរទេស៖ លោក Zinedine Zidane បានលាលែងពីតំណែងក្នុងនាមជាអ្នកចាត់ការទូទៅរបស់ក្លិប Real Madrid ជាលើកទី២ ភ្លាមៗ ក្រោយពីពួកគេបានចាញ់ក្រោមស្នាដៃក្រុម Atletico Madrid ក្នុងការប្រជែងដណ្តើមពានក្របខ័ណ្ឌ La Liga។
នេះបើយោងទៅតាមការបញ្ជាក់របស់ក្លិបអេស្ប៉ាញមួយនេះ កាលពីថ្ងៃព្រហស្បតិ៍។ ការចាកចេញរបស់គ្រូបង្វឹកសញ្ជាតិបារាំងរូបនេះ កើតឡើង ក្នុងពេលបញ្ចប់យុទ្ធនាការដ៏ខកចិត្តសម្រាប់ម្ចាស់ជើងឯកទ្វីបអឺរ៉ុប១៣សម័យកាល Real Madrid ដែលក៏បានរងបរាជ័យក្រោមស្នាដៃក្រុម Chelsea ផងដែរក្នុងការប្រកួតក្របខ័ណ្ឌ Champions League វគ្គពាក់កណ្តាលផ្តាច់ព្រ័ត្រ ខណៈដែលពួកគេមិនអាចឈ្នះពានសូម្បីតែ១ជាលើកដំបូងក្នុងរយៈពេល១១រដូវកាលមកនេះ។
ក្លិបបានឲ្យដឹងក្នុងសេចក្តីថ្លែងការណ៍មួយថា៖ «យើងត្រូវតែគោរពការសម្រេចចិត្ត និងសូមសម្តែងនូវការដឹងគុណចំពោះភាពជាអាជីពរបស់លោក ការប្តេជ្ញាចិត្ត និងការលះបង់ក្នុងរយៈពេលជច្រើនឆ្នាំមកនេះ»។ ក្លិបបានបន្ថែមទៀតថា៖ «លោក Zidane គឺជានិមិត្តរូបដ៏អស្ចារ្យមួយរបស់ Real Madrid ហើយកេរិ៍្តដំណែលរបស់លោក គឺច្រើនជាងអ្វីដែលលោកសម្រេចបានក្នុងនាមជាគ្រូបង្វឹកម្នាក់ និងជាកីឡាករម្នាក់នៅក្នុងក្លិបរបស់យើង។ លោកនឹងតែងតែមានផ្ទះមួយជានិច្ចក្នុងក្លិបនេះ»៕
ប្រភពព័ត៌មាន៖ Channel News Asia