បរទេស៖ ខ្សែប្រយុទ្ធឆ្នើម Lionel Messi នឹងចុះកុងត្រាថ្មីដើម្បីបន្តលេងអោយក្រុមអ្នកមានបុណ្យ Barcelonaក្រោយពីរូបគេបញ្ចប់ភារកិច្ចលេងអោយក្រុមជម្រអាហ្សង់ទីនសម្រាប់ព្រឹត្តិការណ៏ប្រកួតពានរង្វាន់ Copa America នាពេលខាងមុខនេះ។
ក្រោយពីលីកកំពូលអេស្បាញបានបិទបញ្ចប់រដូវកាលទៅហើយកាលពីសប្តាហ៏មុនបច្ចុប្បន្នកីឡាករមានវ័យ ៣៣ ឆ្នាំរូបនេះកំពុងតែកំដៅសាច់ដុំហ្វឹកហាត់ជាមួយក្រុមជម្រើសជាតិដើម្បីត្រៀមខ្លួនធ្វើជាម្ចាស់ផ្ទះព្រឹត្តការណ៏ប្រកួតបាល់ទាត់ដ៏ធំបំផុតប្រចាំទ្វីបអាមេរិកខាងត្បូង ដែលនឹងចាប់ផ្តើមនៅថ្ងៃទី ១៣ ខែមិថុនាដែលនិងធ្វើឡើងនៅទីក្រុង Buenos Aires ទល់នឹងក្រុមជម្រើសជាតិឈីលីនិងជាគូប្រជែងដ៏ជូរចត់ដែលធ្លាប់ជួបប៉ះគ្នាពីរដងនៅវគ្គផ្តាច់ព្រ័ត្រពានរង្វាន់មួយនេះកន្លងមកនៅឆ្នាំ២០១៥និង២០១៦ជាប់ៗគ្នានោះ។
ប្រធានក្រុមជម្រើសជាតិអាហ្សង់ទីនរូបនេះផងដែរដឹងថាក្លឹបយក្សកាតាឡាន់អាចប្រឈមនឹងបម្រាមមិនអាច លេងនៅក្របខណ្ឌកំពូល ទ្វីបអឺរ៉ុប ក្រោយ UEFA កំពុងអនុវត្តច្បាប់ពីលើការចូលរួមព្រឹត្តការណ៏European Super Legue ។ទោះយ៉ាងណាប្រភពពីគេហទំព័រ Daily Mail បានឱ្យដឹងថា Barcelona នៅតែរំពឹង និងជឿជាក់ថាម្ចាស់ពានបាល់៦សម័យសម័យកាលនឹងចុះកុងត្រាបន្ត លេង អោយក្លឹបជាបន្តទៀតព្រមជាមួយនិងការមកដល់របស់មិត្តរួមជាតិកីឡាករ Sergio Aguero ដែលជាមិត្តជិតស្និទ្ធរបស់ Messi នោះ Barcelona ក៏មានក្តីសង្ឃឹមបន្ថែមទៀតពីការចងចិត្តវីរបុរសរបស់ខ្លួនរូបនេះអោយបន្តលេងជាមួយក្លឹបបានយូរឆ្នាំបន្ថែមទៀត៕
ប្រភពព័ត៍មាន៖ Sportsmole
