បរទេស៖ ខ្សែការពារ Antonio Rudiger របស់ក្រុមតោខៀវ Chelsea បានបង្ហើបឱ្យដឹងថាលោកបានទាក់ទង Kevin De Bruyne ដើម្បីសុំទោសចំពោះការប៉ះទង្គិចគ្នារបស់ពួកគេនៅវគ្គផ្តាច់ព្រ័ត្រនៃក្របខ័ណ្ឌ Champions League កាលពីថ្ងៃសៅរ៍។
តារាឆ្នើម De Bruyne របស់ក្រុម Manchester City ត្រូវបានប្តូរចេញក្រោយពីការប៉ះទង្គិចដែលក្រុម Man City បានចាញ់ Chelsea ដោយលទ្ធផល ១-០ បន្ទាប់ពីរូបគេត្រូវបានប៉ះទង្គិចជាមួយនឹង Rudiger។ ក្រោយមក De Bruyne បានបង្ហាញថាគាត់បានរងរបួសបាក់ឆ្អឹងច្រមុះ និងរន្ធភ្នែក ហើយ Rudiger និយាយថាគាត់មិនដែលមានចេតនាចង់ធ្វើបាបខ្សែបំរើប៊ែលហ្សិករូបនេះឡើយ។
I'm really sorry for @DeBruyneKev's injury. Of course this was not intentional from me – I've already been in touch with Kevin personally and I really wish him a speedy recovery & hope we can see him back on the pitch very soon again ✊🏾⚽ #UCLFinal
— Antonio Rüdiger (@ToniRuediger) May 30, 2021
ខ្សែការពារអន្តរជាតិអាឡឺម៉ង់រូបនេះបានបង្ហោះលើបណ្តាញសង្គម Twitter ថា៖ «ខ្ញុំពិតជាសោកស្តាយចំពោះការរងរបួសរបស់ Kevin De Bruyne។ ជាការពិតណាស់នេះមិនមែនជាចេតនារបស់ខ្ញុំទេ។ ខ្ញុំបានទាក់ទងជាមួយ Kevin ដោយផ្ទាល់ខ្លួន ហើយខ្ញុំពិតជាជូនពរគាត់ឱ្យឆាប់ជាសះស្បើយ ហើយសង្ឃឹមថាយើងនឹងឃើញគាត់ត្រឡប់មកទីលានវិញនៅពេលឆាប់ៗខាងមុខនេះ»៕
ប្រភពព័ត៍មាន៖ One Football