បរទេស៖ លោក Zinedine Zidane បាននិយាយកាលពីថ្ងៃចន្ទថា លោកបានលាលែងពីតំណែងជាគ្រូបង្វឹកក្រុម Real Madrid ដោយសារតែថ្នាក់ដឹកនាំរបស់ក្លិបនេះ មិនមានការជឿជាក់ឲ្យបានគ្រប់គ្រាន់លើរូបលោកក្នុងការរៀបចំក្រុមឡើងវិញ។
លោក Zidane ដែលបានវិលទៅកាន់ក្លិប Real ដើម្បីដឹកនាំជាលើកទី២ កាលពីខែមីនា ឆ្នាំ២០១៩ បានឈ្នះពាន La Liga ២លើក និងពាន Champions League ៣លើកក្នុងពេលធ្វើជាគ្រូបង្វឹកចំនួន២លើក។ ប៉ុន្តែ ទោះបីជាយ៉ាងណា លោកបានលាលែងពីតំណែងកាលពីសប្តាហ៍មុន ក្រោយពី Real បានជួបរដូវកាលដែលមិនឈ្នះពានសោះជាលើកដំបូងរបស់ខ្លួន ក្នុងរយៈពេល១១ឆ្នាំ ដោយបានបញ្ចប់ក្នុងចំណាត់ថ្នាក់លេខ២លើតារាង La Liga ធ្លាក់ចេញពីក្របខ័ណ្ឌ Champions League វគ្គពាក់កណ្តាលផ្តាច់ព្រ័ត្រ និងរងបរាជ័យដ៏អាម៉ាសក្នុងពាន Copa del Rey ជុំទី៣២ ក្រោមស្នាដៃក្រុមស្ថិតក្នុងក្របខ័ណ្ឌលំដាប់ទី៣ Alcoyano។
លោក Zidane បានបង្ហើបថា៖ «នៅពេលនេះ អ្វីៗមានភាពខុសគ្នា។ ខ្ញុំចាកចេញ ដោយសារតែខ្ញុំមានអារម្មណ៍ថា ក្លិបមិនមានការជឿជាក់លើរូបខ្ញុំដែលខ្ញុំត្រូវការជាចាំ និងមិនគាំឲ្យបង្កើតក្រុមដែល្នុងកម្រិតមធ្យម ឬរយៈពេលវែង»៕
ប្រភពព័ត៌មាន៖ Channel News Asia
