បរទេស៖ លោក Luis Enrique គ្រូបង្វឹកនៃក្រុមបាល់ទាត់ជម្រើសជាតិអេស្ប៉ាញ បាននិយាយកាលពីថ្ងៃព្រហស្បតិ៍ថា វាជាកិច្ចការរបស់លោកក្នុងការបង្កើនការរំពឹងទុកនានារបស់កីឡាករលោកផ្ទាល់ នៅមុនពេលយុទ្ធនាការ Euro ស្របពេលដែលលោកនៅតែបញ្ជាក់ថា ក្រុមរបស់លលោកមានភាពខ្លាំងក្នុងការឈ្នះពាន។
អេស្ប៉ាញ បានឈ្នះពាន Euro ឆ្នាំ២០០៨ និង២០១២ ក្នុងចន្លោះពេលដែលពួកគេបានឈ្នះពាន World Cup ឆ្នាំ២០១០ ប៉ុន្តែ ការរំពឹងទុកនានា ហាក់ដូចជាមានតិចតួច ស្របពេលដែលមានតែកីឡាករ២ ទៅ៣នាក់ប៉ុណ្ណោះ ដែលនៅសេសសល់ពីក្រុមដែលបានឈ្នះពាន ជាប់ឈ្មោះក្នុងក្រុមទាំង២៤នាក់របស់លោក។ ខ្សែបម្រើ Rodri បានបញ្ជាក់នៅថ្ងៃដដែលថា អេស្ប៉ាញ លែងជាក្រុមមានក្តីសង្ឃឹមខ្ពស់ក្នុងការលើកពានឡើយ ប៉ុន្តែ លោក Luis Enrique បានបញ្ជាក់ថា វាអាស្រ័យទៅលើរូបគេក្នុងការផ្លាស់ប្តូរស្មារតីក្រុម។
នៅមុនពេលការប្រកួតមិត្តភាពជាមួយនឹងក្រុមម្ចាស់ការពារជើងឯកទ្វីបអឺរ៉ុប ព័រទុយហ្គាល់ នារាត្រីនេះ នៅកីឡដ្ឋាន Wanda Metropolitano គ្រូបង្វឹករូបនេះបានប្រាប់សន្និសីទសារព័ត៌មានថា៖ «ខ្ញុំត្រូវតែព្យាយាម និងធ្វើឲ្យកីឡាករជឿជាក់លើក្រុមរបស់ពួកគេ»៕
ប្រភពព័ត៌មាន៖ Channel News Asia