បរទេស៖ អតីតគ្រូបង្វឹកក្រុមយក្សតាឡាន់ Barcelona លោក Luis Enrique បានច្រានចោលកា រលើក ឡើង ពីឪកាស ដែល រូបលោក និងមកផ្លាស់ប្តូរតួនាទី ជំនួសលោក Ole Gunnar Solskjaer ក្នុង នាម ជាគ្រូបង្វឹកក្រុម Man. Utd ។ ព្រមជាមួយគ្នានេះដែរប្រធានក្រុមជម្រើសជាតិព័រទុយហ្គាល់កីឡាករ Cristiano Ronaldo ក៏មានបំណងចង់ឱ្យលោក Enrique មកកាន់កាប់ការងារនេះ ។ ក៏ប៉ុន្តែ ឆ្លើយ តប និងការចង់បាននេះគ្រូបង្វឹកវ័យ ៥១ ឆ្នាំបានទទូចនិងឆ្លើយតបថាការទាមទារនេះមិនគួរត្រូវបានទទួលនូវ ការយកចិត្តទុកដាក់លើវាខ្លាំងពេកនោះទេ។
ក្រោយពីក្លឹបសម្រេចបញ្ចប់តំណែងបុរសសញ្ជាតិន័រវេរូបនេះ និងផ្តល់ពេលវេលាអោយ Michael Carrickទទួលបន្ទុកដឹកនាំបន្ត(Care Taker) សម្រាប់កិច្ចការក្រុមដំបូង ខណៈក្លឹបក៏គ្រោងនឹងតែងតាំងអតីតខ្សែបម្រើរូបនេះជាអ្នកចាត់ការទូទៅបណ្តោះអាសន្នរហូតដល់ចុងបញ្ចប់នៃយុទ្ធនាការនេះប្រសិន ជាបុរសសញ្ជាតិអង់គ្លេសរូបនេះធ្វើបានល្អ ។
អ្នកកាសែតដ៏ល្បីល្បាញសញ្ជាតិអ៊ីតាលីលោក Fabrizio Romano ក៏បានលើកផងដែរ ថា លោក Enrique ពិតជាមិនមានគម្រោងចាកចេញពីក្រុមជម្រើសជាតិ អេស្ប៉ាញនៅពេលនេះទេ” ដោយសារតែគាត់រីករាយជាមួយនឹងការងារបច្ចុប្បន្ននេះ។ លោកEnriqueមានស្នាដៃល្អ បន្ទាប់ពីបានដឹកនាំក្រុមគោជលអេស្ប៉ាញឡើងដល់វគ្គពាក់កណ្តាលផ្តាច់ព្រ័ត្រ Euro ២០២០ និងចុងក្រោយគឺវគ្គផ្តាច់ព្រ័ត្រ UEFA Nations League ២០២០-២០២១៕
ប្រភពព័ត៍មាន៖ Sportsmole
