បរទេស៖ Sergio Aguero បានបដិសេធឪកាសចូលរួមជាមួយក្លឹប Juventus ដើម្បីត្រៀមខ្លួនចូលរួមជាមួយក្លឹបអ្នកមានបុណ្យ Barcelonaមុនរដូវកាលថ្មី២០២១-២០២២ចាប់ផ្តើម។
ខ្សែប្រយុទ្ធដែលមានកំនត់ត្រារកគ្រាប់បាល់ច្រើនបំផុតសម្រាប់ក្រុមមេឃខៀវMan.City រូបនេះបានបង្ហាញខ្លួនជាសាធារណៈនៅទឹកដី Camp Nou កាលពីដើមសប្តាហ៍នេះដោយបានចុះកុងត្រារយៈពេល ២ ឆ្នាំក្រោយចាកចេញពីកីឡាដ្ឋាន Etihad Stadium ដោយគ្មានតម្លៃខ្លួន។សម្រាប់ Juventus ដែលមានបំណងចង់ពង្រឹងតំបន់ប្រយុទ្ធបន្ថែមទៀត ក្រោយខកខានការពារតំណែងជើងឯកSerieA កាលពីរដូវកាលមុន។ ស្របពេលដែលក្លឹបកំពុងជួបភាពមិនច្បាស់លាស់ជុំវិញអនាគតរបស់កំពូលខ្សែប្រយុទ្ធស្លាប Cristiano Ronaldoផងដេរ ។
/cdn.vox-cdn.com/uploads/chorus_image/image/69368016/1320991795.0.jpg)
យោងគេហទំព័រដ៏ល្បីល្បាញរបស់អ៊ីតាលីឈ្មោះ Mundo Deportivo បានចុះផ្សាយថាៈAgueroបានទទួលយកការកាត់បន្ថយប្រាក់ឈ្នួលជាថ្នូរនិងការផ្លាស់ទៅកាន់ក្លឹបយក្សកាតាឡាន់ ព្រោះតែរូបគេ និងរកបាន ប្រាក់ឈ្នួលត្រឹមតែ៦ លានផោនក្នុងមួយឆ្នាំ បើប្រៀបធៀបទៅនឹងប្រាក់ប្រចាំឆ្នាំដល់ទៅ ២៣ លានយូរ៉ូពេលដែលរូបគេលេង នៅក្លឹប Man City។ ប៉ុន្តែប្រាក់ចំណូលនៅBarcelona និងអាចកើនឡើងជាមួយនឹងប្រាក់រង្វាន់និងប្រាក់លើកទឹកចិត្តផ្សេងទៀតអាស្រ័យលើសមត្ថភាពជាក់ស្តែង។ប្រភពខាងលើបន្តថាខ្សែប្រយុទ្ធដ៏មានបទពិសោធន៏វ័យ៣៣ឆ្នាំរូបនេះបានបដិសេធឪកាសផ្លាស់ទៅលេងនៅលីកកំពូលអ៊ីតាលីក៏ព្រោះតែចង់បំពេញក្តីសុបិន្តលេងនៅក្លឹបបាល់ទាត់អាជីពជាមួយមិត្តរួមជាតិគឺកំពូលខ្សែប្រយុទ្ធ Lionel Messiនេះតែម្តង ។ Aguero បានចាកចេញពីMan.City ក្រោយរួមរស់ជាមួយក្លឹបរយៈពេល១០ឆ្នាំនិងរកបាន ២៦០ គ្រាប់ក្នុង ៣៩០ ប្រកួតសំរាប់ក្លឹបនៅគ្រប់ការប្រកួតទាំងអស់៕
ប្រភពព័ត៍មាន៖ Sportsmole
