បរទេស៖ ក្លឹបមេឃខៀវ Manchester City រំពឹងថានឹងបង្កើនប្រាក់ចំណូលទឹកប្រាក់ចំនួន ៧០ លានផោនក្នុងការលក់កីឡាករឆ្នើមៗ មួយចំនួននៅរដូវក្តៅនេះ។ កីឡាករមានសមត្ថភាពវ័យក្មេងមួយចំនួនដែលក្លឹបមិនសូវបានដាក់អោយលេងកំពុងទាក់ទាញចំណាប់អារម្មណ៍ពីក្លឹបផ្សេងៗនៅ ទ្វីបអឺរ៉ុបខណៈកីឡាករដែលបានបង្ហាញទម្រង់លេងបានជាប់លាប់ដូចជា Riyad Mahrez , Raheem Sterling និង Bernado Silva ក៏ស្ថិតក្នុងការលក់ចេញផងដែរ។
ដូច្នេះប្រសិនជាការចាកចេញរបស់ពួកគេនឹងធ្វើអោយលោក Pep Guardiola បន្តមានសក្តានុពលប្រឡូកចូលក្នុងទីផ្សារនៃការទិញដូរកីឡាករនៅរដូវក្តៅនេះ ។ទោះបីឈ្នះជើងឯកPremier League ជាលើកទី៣ក្នុងរយៈពេល៤ឆ្នាំចុងក្រោយ ប៉ុន្តែអ្នកចាត់ការទូទៅសញ្ជាតិអេស្បាញវ័យ៥០ឆ្នាំរូបនេះនៅតែចង់បានខ្សែប្រយុទ្ធជួរមុខពិសេសអាចលេងនៅបម្រើប្រយុទ្ធស្លាបដូចជាប្រធានក្រុមជម្រើសជាតិអង់គ្លេស Harry Kane របស់ក្រុមមាន់ខ្នាយមាស Tottenham និងប្រធានក្រុមAston Villa កីឡាករ Jack Grealish ។
លោក Pep Guardiola ក៏សង្ឃឹមថាក្លឹបអាចបន្តនាំមុខគូប្រជែងរបស់ខ្លួនដោយត្រៀមយោងលើការចំណាយដែលបានគ្រោងទុកស្របពេលដែលកីឡាករវ័យក្មេងមានតម្លៃខ្លួនខ្ពស់បានមកពីការលក់ពួកគេ៕
ប្រភពព័ត៍មាន៖ Daily Mail
