បរទេស៖ សមាជិក៨ក្នុងចំណោមប្រទេសជាសមាជិកចំនួន១១របស់សហព័ន្ធកីឡាអាស៊ីអាគ្នេយ៍ ឬស៊ីហ្គេម បានជំទាស់នឹងសំណើរបស់ប្រទេសវៀតណាម ក្នុងការព្យាយាមយុទ្ធនាការប្រចាំតំបន់មួយនេះ ដោយសារតែការបារម្ភលើការឆ្លងវីរុសកូវីដ ១៩។
នេះបើយោងទៅតាមក្រុមប្រឹក្សាអូឡាំពិកម៉ាឡេស៊ី ហៅកាត់ថា OCM។ ការិយាល័យសហព័ន្ធកីឡាស៊ីហ្គេម បានអំពាវនាវឲ្យមានកិច្ចប្រជុំពិសេសមួយ កាលពីថ្ងៃពុធ ដើម្បីពិភាក្សាទៅលើសំណើនេះ។ នេះបើយោងទៅតាមការបញ្ជាក់ឲ្យដឹងពី ក្រុមប្រឹក្សាអូឡាំពិកម៉ាឡេស៊ី នៅក្នុងសេចក្តីថ្លែងការណ៍មួយ។ វៀតណាម នឹងត្រូវធ្វើជាម្ចាស់ផ្ទះព្រឹត្តិការណ៍កីឡាស៊ីហ្គេម រយៈពេល២ឆ្នាំម្តង ចាប់ពីថ្ងៃទី២១ ខែវិច្ឆិកា ដល់ទី២ ខែធ្នូ ឆ្នាំ២០២១នេះ។ កាលពីព្រឹកថ្ងៃពុធ បណ្តាញសារព័ត៌មានវៀតណាម បានចេញផ្សាយថា ប្រទេសនេះ បានជូនដំណឹងឲ្យរដ្ឋជសមាជិកពីគម្រោងរបស់ខ្លួនក្នុងការពន្យារពេលព្រឹត្តិការណ៍កីឡានេះ រហូតដល់ខែកក្កដា ឆ្នាំ២០២២ ដោយសារតែស្ថានភាពកូវីដ ១៩។
ក្រុមប្រឹក្សាអូឡាំពិកម៉ាឡេស៊ី បានឲ្យដឹងក្នុងសេចក្តីថ្លែងការណ៍របស់ខ្លួនថា៖ «ដោយសារតែការកើនឡើងករណីឆ្លងកូវីដ ១៩ នៅក្នុងតំបន់ គណៈកម្មការរៀបចំការប្រកួតរបស់វៀតណាម ចង់ធ្វើជាម្ចាស់ផ្ទះព្រឹត្តិការណ៍កីឡាស៊ីហ្គេមលើកទី៣១នេះ ទាំងមានសុវត្ថិភាព និងសន្តិសុខ»។ ទោះបីជាយ៉ាងណា សមាជិកចំនួន១១ក្នុងចំណោមរដ្ឋជាសមាជិកទាំង១១ បានជំទាស់នឹងការពន្យាពេលនេះ ដោយសារតែមានកម្មវិធីកីឡាដ៏មមាញឹក៕
ប្រភពព័ត៌មាន៖ Channel News Asia