បរទេស៖ ក្លឹបកាំភ្លើងធំ Arsenal បានទាក់ទងជាមួយក្រុមបិសាចក្រហម Manchester United ជុំវិញស្ថានភាពរបស់ Donny van de Beek នៅឯក្លឹប។
អតីតកីឡាករ Ajax រូបនេះមិនសូវជាបានបង្ហាញខ្លួនទេនៅ Old Trafford អំឡុងយុទ្ធនាការ ២០២០-២១ នេះរូបគេអាចបង្ហាញខ្លួនចំនួន៣៦លើកគ្រប់កម្មវិធីទាំងអស់ ប៉ុន្តែរូបគេអាចជាប់ជម្រើស១១នាក់ដំបូងបានត្រឹមតែ៤ដងប៉ុណ្ណោះក្នុងក្របខណ្ឌ Premier League។ជាលទ្ធផល Van de Beek ត្រូវបានមានពាក្យចចាមរាមក្នុងការចាកចេញពីទឹកដី Old Trafford ហើយគាត់គ្រោងនឹងធ្វើការជជែកជាមួយលោក Ole Gunnar Solskjaer អំពីអនាគតរបស់ខ្លួននៅរដូវក្តៅនេះ។
បើយោងទៅតាមសារព័ត៌មាន 90Min បានរាយការណ៍ថាក្រុម Arsenal បានធ្វើការទាក់ទងមួយក្រុម Man United ក្នុងគោលបំណងចង់នាំយកកីឡាកររូបនេះទៅកាន់ទឹកដី Emirate នៅរដូវកាលក្រោយ។ ទោះបីជាយ៉ាងណាក៏កុងត្រារបស់ Van de Beek ជាមួយនឹង Man Utd គឺនៅសល់ដល់ទៅ៤ឆ្នាំទៀតឯណោះ ជាពិសេសរូបគេទើបតែត្រូវបានកាត់ឈ្មោះចេញពីក្រុមជម្រើសជាតិហូឡង់សម្រាប់ Euro 2020 ដោយសារតែបញ្ហារបួស៕
ប្រភពព័ត៍មាន៖ Sportsmole