បរទេស៖ កំពូលខ្សែប្រយុទ្ធ Lionel Messi មិនជឿថាក្រុមជម្រើសជាតិអាហ្សង់ទីននិងពឹងផ្អែកទៅលើសមត្ថភាពរបស់ខ្លួនទាំងស្រុងពេក នោះទេ។ ការលើកឡើងរបស់កាពីតែនក្រុមរូបននេះគឺមុនព្រឹត្តការណ៏ប្រកួតពានរង្វាន់ដ៏ធំប្រចាំទ្វីបអាមេរិក Copa America ដែលកំពុងចាប់ផ្តើមក្នុងនាមប្រេស៊ីលជាម្ចាស់ផ្ទះ។
គួរបញ្ជាក់ថា Messi បានដើរតួនាទីជាកីឡាករល្អបំផុតរបស់លើពិភពលោកជាង១ទសវត្សមកហើយ ប៉ុន្តែបើទោះបីជាម្ចាស់ពានបាល់មាស៦សម័យរូបនេះទទួលបានជោគជ័យច្រើនបំផុតសម្រាប់ក្លឹបបាល់ទាត់អាជីពនិងពានរង្វាន់កិត្តិយសផ្ទាល់ខ្លួនយ៉ាងណាក៏ដោយ។ ប៉ុន្តែសម្រាប់ជម្រើសជាតិពពកសអាហ្សង់ទីននៅលើ ឆាកអន្តរជាតិវិញកីឡាករវ័យ៣៣ឆ្នាំរូបនេះនៅឡើយមិនទាន់ទទួលបានជោគជ័យសម្រាប់ជម្រើសជាតិនៅឡើយទេ ខណៈការប្រកួតចុងក្រោយបំផុតនោះគឺបានត្រឹមនាំអាហ្សង់ទីនក្លាយជាជើងឯករងពិភពលោកឆ្នាំ២០១៤ នៅប្រទេសប្រេស៊ីលនាពេលកន្លងមក។
អាហ្សង់ទីននិងបើកការប្រកួតរបស់ពួកគេនៅថ្ងៃអង្គារទី១៥នេះជាមួយអតីតគូសត្រូវចាស់គឺក្រុមជម្រើសជាតិ ឈីលីដែលធ្លាប់បាន បំបាក់ Messi និងមិត្តរួមក្រុមនៅក្នុងព្រឹត្តការណ៏ប្រកួតពានរង្វាន់នេះកាលពីវគ្គផ្តាច់ព្រ័ត្រ២ឆ្នាំជាប់គ្នា (២០១៥ និង ២០១៦)៕
ប្រភពព័ត៍មាន៖ Goal
