បរទេស៖ ខ្សែការពារ Harry Maguire បានត្រៀមលក្ខណៈរួចរាល់ដើម្បីបង្ហាញខ្លួនជាលើកដំបូងសម្រាប់ការប្រកួតយូរ៉ូ ២០២០ សម្រាប់ពូល D ពេលអង់គ្លេសត្រូវបើកទ្វារកីឡាដ្ឋាន Wembley ទទួលភ្ញៀវវស្កុតឡេននៅថ្ងៃទី១៩ត្រូវនិងថ្ងៃសៅរ៏វេលាម៉ោង២រំលងអធ្រាត។ ប្រធានក្រុមបិសាចក្រហម Manchester United វ័យ ២៨ ឆ្នាំរូបនេះបានបានសម្រាកព្យាបាលរបួសកជើងអស់រយៈពេលជាងមួយខែមកហើយ។
ខ្សែការពារក្រុម Aston Villa កីឡាករ Tyrone Mings បានដើរតួនាទីជំនួស Maguire រួមជាមួយ John Stones ក្នុងពេលទទួលជ័យជម្នះ ១ទល់និង០ កាលពីចុងសប្តាហ៍កន្លងលើក្រុមក្រឡាអុកក្រូអាត។ Maguire បានបញ្ជាក់ប្រាប់យ៉ាងដូច្នេះថា «ខ្ញុំមានអារម្មណ៍ល្អដោយអាចវិលត្រលប់មកហ្វឹកហាត់បានហើយ និងកំពុងរង់ចាំការប្រកួត»។
អតីតខ្សែការពារកណ្តាល Hull City និង Leicester បានរងរបួសនៅសប្តាហ៏ទី៣៤ក្នុងការប្រកួតក្របខណ្ឌ Premier League របស់ Man Utd ជាមួយនឹង Aston Villa កាលពីថ្ងៃទី ៩ ខែឧសភាកន្លងទៅ។ Maguire បានខកខានការប្រកួតចុងក្រោយនៅក្របខណ្ឌ Premier League ព្រមទាំងពានរង្វាន់ Europa League ពេលចាញ់ Villarreal នៅវគ្គផ្តាច់ព្រ័ត្រ ព្រមទាំងការប្រកួតកំដៅសាច់ដុំជាមួយនឹងអូទ្រីសព្រមទាំងរ៉ូម៉ានីមុនព្រឹត្តការណ៏ប្រកួត Euro ២០២០ផងដែរ៕
ប្រភពព័ត៍មាន៖ BBC