បរទេស៖ ក្រុមជម្រើសជាតិបែលហ្ស៊ិកនឹងប្រើប្រាស់ពេលវេលា ១០នាទី កំលុងពេលប្រកួត ជាមួយដាណឺម៉ាក ដើម្បីចូលរួមរំលឹកដល់ព្រឹត្តការណ៏ដែលបានកើតមានឡើងទៅលើកីឡាករ Cristian Eriksen នាពេលកន្លងមក។ គួររំលឹកថាខ្សែបម្រើក្រុម Inter Milan រូបនេះបានកំពុងសម្រាកព្យាបាលនៅឯមន្ទីរពេទ្ យបន្ទាប់ពីគាត់បានទទួលរងនូវជំងឺគាំងបេះដូងនៅកីឡាដ្ឋានក្នុងកំឡុងពេលដែលម្ចាស់ផ្ទះដាណឺម៉ាកចាញ់ការប្រកួតបើកឆាកពានរង្វាន់អឺរ៉ូ ២០២០ នៅប្រទេសហ្វាំងឡង់ក្នុងទីក្រុង Copenhagen កាលពីថ្ងៃសៅរ៍។ រីឯអ្នកគាំទ្រដាណឺម៉ាកវិញផងដែរក៏កំពុងរៀបចំផែនការដោយបង្ហាញពីភាពអបអរសាទរដល់ Eriksen ដូចគ្នា។
ខ្សែប្រយុទ្ធ Romelu Lukaku ដែលជាមិត្តរួមក្រុម Eriksen នៅឯក្លិប Inter Milan បាននិយាយថា៖ «យើងនឹងដាក់បាល់ចុះដើម្បីទះដៃអបអរសាទរ។ មានកីឡាកររបស់យើងជាច្រើនបានលេងជាមួយគាត់ ប៉ុន្តែថ្ងៃស្អែកយើងនឹងនៅទីនោះ ដើម្បីឈ្នះការប្រកួតដែលជារឿងប្រឈមដ៏ពិបាកមួយ»។
ពេលវេលាដែលបានចំណាយសម្រាប់ធ្វើពិធីមួយនេះ ត្រូវបានជ្រើសរើសឡើងក៏ព្រោះតែ Eriksen ពាក់អាវលេខ១០ នៅក្នុងក្រុមជម្រើសជាតិ។ Lukaku ដែលបានស៊ុតបាល់បញ្ចូលទីពីរគ្រាប់ក្នុងការទទួលជ័យជម្នះ ៣ទល់និង០ សម្រាប់ប៊ែលហ្សិកពេលផ្តួលរុស្ស៊ីកាលពីថ្ងៃសៅរ៍ដូចគ្នាក៏បានស្រែកជាសារគាំទ្រដល់ Eriksen នៅមុខកាមេរ៉ានាក្បែរទីលានប្រកួតក្រោយរកគ្រាប់បាល់ស៊ុតបញ្ចូលទីគ្រាប់ទី២។ ជំនួបរវាងបែលហ្សិកនិងដាណឺម៉ាកវេលាម៉ោង១១យប់នារាត្រីថ្ងៃព្រហស្បត្ត៏នេះក៏និងត្រូវធ្វើឡើងនៅនៅកីឡដ្ឋាន Parken ដែលជាកន្លែងដែល Eriksen បានដួលសន្លប់ ខណៈអ្នកចាត់ការទូទៅ Kasper Hjulmand របស់ដាណឺម៉ាកបាននិយាយថា៖ «វាពិតជារំជួលចិត្តខ្លាំងណាស់ដែលអ្វីៗបានវិលត្រឡប់មករកភាពប្រក្រតីឡើងវិញ»៕
ប្រភពព័ត៍មាន៖ BBC