បរទេស៖ Christian Eriksen ត្រូវបានប្រកាសថា ជាកីឡាករចំណូលថ្មីទី២របស់លោក Erik ten Hag ក្រោយពីក្លិប Manchester United បានប្រកាសពីការចូលរួមរបស់ខ្សែបម្រើដ៏មានឥទ្ធិពលអន្តរជាតិដាណឺម៉ាករូបនេះ ដោយគ្មានតម្លៃខ្លួន ខណៈដែលរូបគេបានចុះកិច្ចសន្យារយៈពេល៣ឆ្នាំ។ Eriksen វ័យ៣០ឆ្នាំ ដែលចូលរួមបន្ទាប់ពី Tyrell Malacia នោះ បាននិយាយថា៖ «Manchester United ជាក្លិបដ៏ពិសេសមួយ ហើយខ្ញុំពិតជាអន្ទះសារចង់ចាប់ផ្តើមណាស់។
ខ្ញុំទទួលបានសិទ្ធិពិសេសក្នុងការលេងនៅ Old Trafford ជាច្រើនលើក ប៉ុន្តែ ការលេងលើទីលានជាមួយនឹងការពាក់អាវក្រហមរបស់ Man United នឹងផ្តល់នូវអារម្មណ៍រំភើបដ៏អស្ចារ្យ»។ កីឡាកររូបនេះ បានបនថែមទៀតថា៖ «ខ្ញុំបានមើលឃើញការងាររបស់លោក Erik នៅក្លិប Ajax និងដឹងពីព័ត៌មានលម្អិត និងការរៀបចំដែលរូបលក និងបុគ្គលិករបស់លោក បានអនុវត្តន៍ជារៀងរាល់ថ្ងៃ។ វាច្បាស់ណស់ថា គាត់ជាគ្រូបង្វឹកដ៏អស្ចារ្យម្នាក់។ ក្រោយពីបានពិភាក្សាជាមួយនឹងគាត់ និងរៀនបន្ថែមទៀតពីទស្សនរបស់គាត់ ខ្ញុំកាន់តែមានការរំភើបចំពោះអនាគត»៕
ប្រភពព័ត៌មាន៖ The Guardian
