បរទេស៖ អ្នកឯកទេសលើការផ្ទេរកីឡាករលោក Fabrizio Romano បានលើកឡើងថាកីឡាករដែលជាគោលដៅរបស់ក្រុមបិសាចក្រហម Man. United គឺ Christian Eriksen និងធ្វើការសម្រេចចិត្តលើអនាគតរបស់គាត់ក្នុងពេលឆាប់ៗនេះជាមួយក្រុមជើងឯកអង់គ្លេស២០សម័យ។
អ្នកកាសែតអ៊ីតាលីដ៏ល្បីល្បាញលោក Romano បានសរសេរនៅលើគេហទំព័រ Twitter ផ្លូវការរបស់គាត់យ៉ាងដូច្នេះ ថា: កីឡាករអន្តរជាតិដាណឺម៉ាកដែលបានទទួលការចាប់អារម្មណ៍ពីក្លឹបជាច្រើនស្របពេលក្លឹប Brentford បានត្រៀមផ្តល់ជូនទឹកប្រាក់លើកទឹកចិត្តជាមួយលក្ខណ្ឌផ្ទាល់ខ្លួនដល់ខ្សែបម្រើកណ្តាលរូបនេះជាថ្នូរនិងការបន្តលេងនៅក្លឹបនាក្របខណ្ឌPremier League បន្តទៀត។
គួរបញ្ជាក់ថាអតីតកីឡាករ Tottenham រូបនេះ បានធ្វើឱ្យមានការភ្ញាក់ផ្អើលនិងសម្តែងក្តីអាណិតសម្រាប់មជ្ឈដ្ឋានបាល់ទាត់នៅជុំវិញពិភពលោកនៅពេលដែលគាត់បានដួលសន្លប់ក្នុងការប្រកួតបើកឆាក តង់ទី១នៃព្រឹត្តិការណ៏ Euro ២០២០ ពេលម្ចាស់ផ្ទះដាណឺម៉ាកទទួលភ្ញៀវ ហ្វាំងឡង់។ Eriksen មានបញ្ហាគាំងបេះដូង និងត្រូវបានក្រុមគ្រូពេទ្យចំណាយពេលជាច្រើននាទីជួយសង្គ្រោះ នៅលើទីលាន ហើយបានក្លាយជាព្រឹត្តិការណ៏គួរអោយចង់ចាំ ក្នុងប្រវត្តិសាស្ត្របាល់ទាត់៕
ប្រភពព័ត៍មាន៖ Sportskeeda