បរទេស៖ Marcus Rashford ចង់បង្ហាញទម្រង់លេងអោយបានពេញដៃពេញជើងដើម្បីប្រទេសរបស់ខ្លួន និងបានសារភាពថារូបគេធ្វើមិនធ្វើបានល្អគ្រប់ការប្រកួតកន្លងមកសម្រាប់វគ្គសន្សំពិន្ទុក្នុងពូលនៃព្រឹត្កិការណ៍ Euro 2020 ក៏ព្រោះតែបញ្ហារបួសស្មា។
Rashford ត្រូវបានជ្រើរើសចូលក្រុមជម្រើសជាតិតោកំណាចអង់គ្លេសដោយលោក Gareth Southgate ក្រោយបង្ហាញសមត្ថភាពដ៏គួរអោយចាប់អារម្មណ៏ក្រោយរកបានគ្រាប់បាល់២១ គ្រាប់ និង Assists បាន ១៥ លើកគ្រប់កម្មវិធីប្រកួតចំនួន ៥៧ លើកនៅរដូវកាល២០២០/២១នេះ។
ទោះយ៉ាងណាក៏ដោយកីឡាករវ័យ ២៣ ឆ្នាំរូបនេះបានបង្ហើបប្រាប់ថាខ្លួនបានតស៊ូលេងជាមួយបញ្ហារបួសជង្គង់ និងប្រអប់ជើងអស់រយៈពេលជាច្រើនខែមកហើយ ក្នុងនោះបូករួមជំនួបដ៏សំខាន់ចុងក្រោយ UEFA Europa League វគ្គផ្តាច់ព្រ័ត្រជាមួយនឹង Villarreal កាលពីខែឧសភាស្របពេលរបួសស្មានៅតែបន្តប៉ះពាល់ដល់អាជីពរបស់ខ្លួនគាត់រហូតមកដល់សព្វថ្ងៃ៕
ប្រភពព័ត៍មាន៖ Goal
