បរទេស៖ លោក Gareth Southgate បានជំរុញឲ្យក្រុមកីឡាអង់គ្លេសរបស់លោក បង្កើតប្រវត្តិសាស្ត្រដោយខ្លួនឯង ដោយមិនត្រូវបារម្ភពីការបរាជ័យកាលពីមុនឡើយ នៅពេលដែលពួកគេធ្វើជាម្ចាស់ផ្ទះទទួលក្រុមបាល់ទាត់ជម្រើសជាតិអាល្លឺម៉ង់ ក្នុងព្រឹត្តិការណ៍ Euro ឆ្នាំ២០២០ វគ្គ១៦ក្រុមចុងក្រោយ។
ក្រុមរបស់លោក Southgate នឹងបើកទ្វារទទួលក្រុមជម្រើសជាតិអាល្លឺម៉ង់ នាកីឡដ្ឋាន Wembley នៅរាត្រីនេះ ក្នុងជំនួបចុងក្រោយបំផុតរវាងគូប្រជែងចាស់អាល្លឺម៉ង់។ អង់គ្លេសបានឈ្នះពាន World Cup ឆ្នាំ១៩៩៦ ក្រោយពីផ្តួលអាល្លឺម៉ង់ វគ្គផ្តាច់ព្រ័ត្រ នៅកីឡដ្ឋាន Wembley ប៉ុន្តែ ចាប់តាំងពីពេលនោះមក ការដណ្តើមយកជ័យជម្នះក្នុងយុទ្ធនាការធំៗលើក្រុមឥន្ទ្រីដែកមួយនេះ បានក្លាយជារឿងដ៏លំបាក។ ក្រោយពីធ្លាក់ពីព្រឹត្តិការណ៍ World Cup ឆ្នាំ១៩៧០ ១៩៩០ និង២០១០ ក្រោមស្នាដៃក្រុមអាល្លឺម៉ង់ អង់គ្លេស ក៏បានរងបរាជ័យក្រោមស្នាដៃរបស់ពួកគេ ក្នុង Euro ឆ្នាំ១៩៩៦ វគ្គពាក់កណ្តាលផ្តាច់ព្រ័ត្រ ផងដែរ នាកីឡដ្ឋាន Wembley។
/https://www.thestar.com/content/dam/thestar/sports/soccer/2021/06/22/19-year-old-bukayo-saka-stands-tall-for-england-at-euro-2020/20210622190624-60d27188613fdbcd91f532c6jpeg.jpg)
លោក Southgate ផ្ទាល់បានស៊ុតបាល់ប៉េណាល់ទីដ៏សំខាន់មិនចូលទី ក្នុងពេលក្រុមរបស់លោកចាញ់កាលពី២៥ឆ្នាំហើយការរងបរាជ័យមួយផ្សេងទៀតក្រោមស្នាដៃគូប្រកួតចាស់របស់ពួកគេ កំពុងតែក្លាយជាកង្វល់ដ៏ធំមួយសម្រាប់កីឡាកររបស់លោក។ ប៉ុន្តែ អ្នកចាត់ការទូទៅរបស់ក្រុមអង់គ្លេសរូបនេះ ចង់ឲ្យក្រុមរបស់លោកផ្តោតលើសមត្ថភាពផ្ទាល់របស់ពួកគេ ដោយមិនត្រូវខ្វល់ពីប្រវត្តិសាស្ត្រច្រំដែលឡើយ។
ទាក់ទងនឹងការប្រកួតជាមួយនឹងអាល្លឺម៉ង់ លោក Southgate បានឲ្យដឹងថា៖ «ខ្ញុំមិនចាំបាច់បញ្ជាក់ឲ្យច្បាស់ឡើយ។ ប្រវត្តិសាស្ត្រគឺមិនទាក់ទងនឹងពួកគេឡើយ។ ហេតុនេះ ពួកគេក្នុងការបង្កើតប្រវត្តិសាស្ត្រ និងក្លាយជាក្រុមដំបូង បើគិតចាប់តាំងពីឆ្នាំ១៩៩៦ ដែលបានផ្តួលអាល្លឺម៉ង់»៕
ប្រភពព័ត៌មាន៖ Channel News Asia
