បរទេស៖ លោក Jose Mourinho បានបង្ហាញពីការព្យាករណ៏មានការជឿជាក់ថាអង់គ្លេសនឹងឈានដល់វគ្គផ្តាច់ព្រ័ត្រ Euro ឆ្នាំ ២០២០ បន្ទាប់ពីពួកគេបានផ្តួលអាល្លឺម៉ង់ក្នុងលទ្ធផល២ទល់និង០ដើម្បីកក់កៅអីវគ្គ ១/៤ ផ្តាច់ព្រ័ត្រកាលពីយប់ថ្ងៃអង្គារនៅទឹកដីWembley របស់ពួកគេរួចមក។វាក៏ជាជ័យជម្នះលើកដំបូងរបស់អង់គ្លេសលើក្រុមមហាអំណាចបាល់ទាត់អាល្លឺម៉ង់ក្នុងការប្រកួតជម្រុះវគ្គចែកពូល គិតចាប់តាំងពីពួកគេបានឈ្នះការប្រកួតបាល់ទាត់ពិភពលោកនៅឆ្នាំ ១៩៦៦កន្លងទៅ ។
ក្រុមលោក Gareth Southgate បានឈរនៅលើកំពូលតារាងក្រោយឆ្លងកាត់វគ្គសន្សំពិន្ទុក្នុងពូលជាមួយជ័យជម្នះ ២ លើកនិងស្មើ ១ មុនពេលឈ្នះជាលើកទី៣ ដែលជាការសាងព្រឹត្តការណ៏បាល់ទាត់Euroជាលើកដំបូងក្នុងប្រវត្តិសាស្ត្រ។ អង់គ្លេសនឹងត្រូវជួបអ៊ុយក្រែន ក្នុងវគ្គ ១/៤ ផ្តាច់ព្រ័ត្រហើយនិងត្រៀមជួបប្រកួត ជាមួយដាណឺម៉ាកឬសាធារណរដ្ឋឆែកប្រសិនជាអាចផ្តួលអ៊ុយក្រែនបាន។ លោក Mourinho ក៏បង្ហាញពីការរំពឹងទុកថាអង់គញលេស នឹងឈានទៅវគ្គផ្តាច់ព្រ័ត្រដោយអាចជួបស្វីសអេស្ប៉ាញប៊ែលហ្សិកឬអ៊ីតាលី។
អតីតអ្នកចាត់ការទូទៅក្រុមមាន់ខ្នាយមាស Tottenham, Man. Utd, Chelsea និង Real Madrid បានប្រាប់គេហទំព័រ talkSPORT ថា «ខ្ញុំបានមើលការប្រកួតរបស់ពួកគេហើយអង់គ្លេសមានភាពរឹងមាំសម្រាប់ការប្រកួតនេះក្រុមទាំងពីរគោរពគ្នាខ្លាំងណាស់។ ខ្ញុំក៏រំពឹងថា ទស្សនាការប្រកួតដ៏ធំដែលអង់គ្លេសនិងមានវត្តមាននៅវគ្គផ្តាច់ព្រ័ត្រ។ ពួកគេត្រូវលេងដោយរក្សាតុល្យភាពល្អដូចពេលឥឡូវនេះព្រោះនៅមានផ្លូវវែងឆ្ងាយទៀត។ខ្ញុំមិនឃើញប្រទេសអង់គ្លេសចាញ់ក្រុមមួយក្នុងចំណោមក្រុមទាំង ៤ មុនពេលឈានដល់វគ្គ ១/៤ ផ្តាច់ព្រ័ត្រ»៕
ប្រភពព័ត៍មាន៖ Metro
