បរទេស៖ Jadon Sancho ខ្សែបម្រើស្លាប Dortmund ស្ថិតយ៉ាងប្រកៀកក្នុងការក្លាយជាកីឡាករលើកដំបូងសម្រាប់លោក Ole Gunnar Solskjaer នៅរដូវក្តៅនេះជាមួយនឹងកិច្ចព្រមព្រៀងដែលត្រូវបានគេរំពឹងថាអតីតអាណាព្យាបាលក្រុម Man. City ត្រៀមនឹងទទួលបានទឺកប្រាក់ប្រមាណ ១០ លានផោនស្មើនិង(១៣.៥ លានដុល្លារអាមេរិក) បន្ទាប់ពីការផ្លាស់ប្តូររបស់ Jadon Sancho ទៅកាន់ក្លឹបរួមទីក្រុងManchester បានដំណើរការដោយជោគជ័យនោះ ។
គួរបញ្ជាក់ថាតម្លៃចន្លោះ៧៣ លានផោន គឺត្រូវបានយល់ព្រមរវាងក្លិបទាំងពីរលើការផ្ទេរកីឡាករអន្តរជាតិអង់គ្លេស ដែលឥឡូវនេះដំណាក់កាលនៃការត្រួតពិនិត្យសុខភាពកំពុងតែប្រព្រឹត្តទៅមុនពេលមុនពេលកិច្ចព្រមព្រៀងត្រូវបានបញ្ចប់។ យ៉ាងណាមិញនៅក្នុងកិច្ចព្រមព្រៀងគឺMan.City បានទទួលទឹកប្រាក់ត្រឹមតែ ៨ លានផោន នៅពេលដែលSanco ចាកចេញពីយុវជនថ្នាលMan.City ទៅលីកកំពូលអាឡឺម៉ង់ក្នុងឆ្នាំ ២០១៧ ប៉ុន្តែអតីតក្លឹបមួយនេះនៅតែទទួលបានចំណែក ១៥ ភាគរយលើការផ្ទេរ ។
ការពិត Man. City បានចំណាយប្រាក់ត្រឹមតែ៦៦.០០០ ផោនទៅអោយក្រុម Watford ដោយនាំយកSancho មករួមក្រុមចាប់តាំងពីរូបគេមានវ័យត្រឹម ១៤ ឆ្នាំប៉ុណ្ណោះ។ Sancho ក៏ដូចជា Phil Foden គឺបានហ្វឹកហាត់រួមគ្នា ហើយអ្នកទាំងពីរហាក់ដូចជាមានបំណងបំបែកក្រុមដំបូង។ប៉ុន្តែ Sanchoបានបដិសេធសំណើរកុងត្រាថ្មី និងបានធ្វើអោយក្លឹប ខកចិត្តដែលមិនបានរួមដំណើរការប្រកួតជាមួយក្លឹប ទៅកាន់សហរដ្ឋអាមេរិកមុនពេលសម្រេចចិត្តចូលរួមជាមួយDortmund ទោះយ៉ាងណាWatford ទទួលបានប្រាក់បន្ថែមសរុបរហូតដល់ទៅ ៨០០.០០០ ផោនឯណោះ៕
ប្រភពព័ត៍មាន៖ Goal