បរទេស៖ ក្រោយប្រកាស់អំពីការមកដល់របស់ Achraf Hakimi ជាផ្លូវការណ៍ក្លឹប Paris Saint-Germain ត្រៀមនឹងបំពេញការចុះហត្ថលេខានាំយកខ្សែការពារ Sergio Ramos និងអ្នកចាំទី Gianluigi Donnarumma បន្ថែមទៀតនៅក្នុងខែកក្កដានេះ។
លោក Mauricio Pochettino បានត្រៀមសំណើរអោយ Sergio Ramos អតីតក្លិបខ្សែការពារក្លឹប Real Madrid នូវកិច្ចសន្យារយៈពេល ២ ឆ្នាំ ខណៈអ្នកចាំទី Donnarumma ត្រៀមចុះកិច្ចសន្យារយៈពេល ៥ ឆ្នាំ ។ ការលើកឡើងនេះគឺយោងតាមការអះអាងអ្នកសារពត៌មានដ៏ល្បីល្បាញសញ្ជាតិអ៊ីតាលី Fabrizio Romano បានឱ្យដឹងថាការធ្វើតេស្ត៍សុខភាពត្រូវបានកំណត់ពេលរួចរាល់ហើយ និងត្រៀមចុះហត្ថលេខាជាផ្លូវការណ៏នៅខែកក្កដានេះ។
គួរបញ្ជាក់ថាកីឡាករដ៏មានបទពិសោធន៏វ័យ៣៥ឆ្នាំសញ្ជាតិអេស្បាញ Ramos បានចាកចេញពីក្រុមអធិរាជសក្រោយចំណាយពេល១៦ ឆ្នាំ និងបង្ហាញខ្លួនបាន៦៧១ ប្រកួតដោយស៊ុតបញ្ចូលទី ១០១ គ្រាប់សម្រាប់ក្លិប។ សម្រាប់ Donnarumma បានបង្ហាញទម្រង់លលេងល្អបំផុតជាមួយ AC Milan ចាប់តាំងពីការបង្ហាញខ្លួនលើកដំបូងក្នុងឆ្នាំ២០១៤ ខណៈ Hakimi ក៏បានដើរតួនាទីដ៏សំខាន់ជួយអោយ Inter Milan ឈ្នះពាន Serie A ជាលើកដំបូងនៅរដូវកាលចាស់និងជាលើកដំបូងគិតចាប់តាំងពីឆ្នាំ២០១០។
PSG បានចុះកុងត្រាផ្ទេរយកីឡាករ Georginio Wijnaldum ពី Liverpool និងបានផ្ទេរយក Danilo Pereira ពីក្រុម Porto ក្នុងកិច្ចព្រមព្រៀងជាអចិន្រ្តៃយ៍រួចរាល់ហើយផងដែរ៕
ប្រភពព័ត៍មាន៖ Sportsmole