បរទេស៖ អ្នកចាត់ការក្រុមមេឃខៀវ Man City លោក Pep Guardiola មានគម្រោងចុះហត្ថលេខាកីឡាករថ្មីយ៉ាងហោចណាស់៣នាក់រដូវក្តៅនេះ ខណៈប្រធាក្រុម Aston Villa កីឡាករ Jack Grealish នៅតែជាគោលដៅចំបងរបស់ពួកគេ។
Grealish រកបានគ្រាប់បាល់ ៦ គ្រាប់និង Assists បាន ១២ដងពីការបង្ហាញខ្លួនចំនួន ២៦ លើកនៅក្របខ័ណ្ឌ Premier League នៅរដូវកាល២០២០/២១នេះសម្រាប់ក្លិប Aston Villa បើទោះបីជាជួបបញ្ហារបួសញឹកញាប់យ៉ាងណាក៏ដោយ។ បន្ទាប់ពីនាំយកខ្សែបម្រើស្លាប Emiliano Buendia ពីក្លឹប Norwich រួចមកក្លឹប Aston Villa នឹងបើកពិភាក្សាបន្ទាប់ពីបញ្ចប់ព្រឹត្តិការណ៍ Euro ២០២០ អំពីអនាគតរបស់ខ្សែបម្រើឆ្នើម Jack Grealish។
បើយោងគេហទំព័រ The Mirror បានចុះផ្សាយថា Man City នឹងត្រូវចំណាយប្រាក់យ៉ាងហោចណាស់ ១០០ លានផោន ដើម្បីអាចនាំខ្សែបម្រើវ័យ២៥ឆ្នាំរូបនេះមកកាន់ទឹិកដី Etihad នៅរដូវក្តៅនេះ បើមិនដូច្នេះទេពួកគេគឺត្រូវរង់ចាំដល់ទៅពីរឆ្នាំទៀតឯណោះដើម្បីចុះកុងត្រាយក Grealish។
បន្ទាប់ពីចុះកុងត្រាយកកីឡាករ Kayky និង Metinho ពីក្លឹប្រេស៊ីល Fluminense ក្លឹប Man City ចង់បានខ្សែប្រយុទ្ធជួរមុខម្នាក់បន្ថែមទៀត ក្រោយពី Sergio Aguero បានចាកចេញទៅ Barcelona ដោយគ្មានតម្លៃខ្លួន ខណៈដែល Harry Kane របស់ក្លឹប Tottenham Hotspur នៅតែជាគោលដៅមួយរបស់ពួកគេនៅរដូវក្តៅនេះ។ មួយវិញទៀតក្រុមជើងឯក Carabao Cup ៣សម័យជាប់ៗគ្នានេះក៏ចង់ពង្រឹងខ្សែបម្រើការពារម្នាក់ទៀត ក្រោយពាក្យចចាមអារ៉ាមថា Aymeric Laporte អាចនិងផ្លាស់ចេញ ដើម្បីមកប្រជែងកន្លែងជាមួយនឹង Oleksandr Zinchenko ខណៈ Benjamin Mendy កំពុងសម្រាកព្យាបាល់របួសនៅឡើយ៕
ប្រភពព័ត៍មាន៖ Sportsmole
