បរទេស៖ អាហ្សង់ទីនបានកក់កៅអីទៅជួបម្ចាស់ផ្ទះប្រេស៊ីលនិងជាក្រុមការពារតំណែងជើងឯក Copa America រួចរាល់ហើយនៅក្នុងការប្រកួតនាវេលាព្រឹកថ្ងៃពុធនេះ។
គួរបញ្ជាក់ថា អ្នកចាំទីក្រុមជម្រើសជាតិអាហ្សង់ទីនកីឡាករ Emiliano Martinez បានជួយសង្គ្រោះបាល់ប៉េណាល់ទីកាត់សេចក្តីក្នុងចំណោម៥គ្រាប់ហើយរូបគេបានជួយសង្គ្រោះបានរហូតដល់ទៅ ៣ គ្រាប់រីឯអាហ្សង់ទីនធ្វើបានសម្រេច៣គ្រាប់បន្ទាប់ពីបញ្ចប់ម៉ោងប្រកួតធម្មតា ក្រុមទាំងពីរទទួលបានលទ្ធផលស្មើគ្នា ១ទល់និង១។
ក្រោយយកឈ្នះប៉េរូ ១-០ ក្នុងវគ្គពាក់កណ្តាលផ្តាច់ព្រ័ត្រ កាលពីថ្ងៃចន្ទ ដូច្នេះមានន័យថាខ្សែប្រយុទ្ធឆ្នើម Neymar នឹងមានឪកាសដឹកនាំក្រុមជួបប្រកួតជាអតីតមិត្តរួមក្រុមBarcelona គឺប្រធានក្រុមពពកសអាហ្សង់ទីន Lionel Messi នៅថ្ងៃសៅរ៍ទី១០កក្កដាដូចបំណងប្រាថ្នាហើយ ។
គួររំលឹកថាកាលពី ២ ឆ្នាំមុនក្រុមសាំបាប្រេស៊ីលមិនមានវត្តមាន Neymar ខណៈដែលពួកគេ ផ្តួលអាហ្សង់ទីននៅវគ្គពាក់កណ្តាលផ្តាច់ព្រ័ត្រមុនពេលឈ្នះពានរង្វាន់ Copa លើកទី ៩ នៅលើទឹកដីខ្លួនខ្លួនឯងផងដែរ ។រីឯកាពីតែនក្រុមMessi វិញមានវ័យជ្រេ ៣៤ ឆ្នាំ បានន័យថាពេលវេលារបស់គេជិតអស់ហើយដើម្បីឈ្នះជើងឯកលើឆាកអន្តរជាតិធំបំផុតជាលើកដំបូងគេជាមួយក្រុមជម្រើសជាតិក្រោយធ្លាប់បរាជ័យ វគ្គផ្តាច់ព្រ័ត្រ Copa America ៣ ដងក្នុងនោះ២លើកជាប់គ្នានៅឆ្នាំ២០១៥និង២០១៦ជាមួយឈីលីនិងវគ្គផ្តាច់ព្រ័ត្រ World Cup ២០១៤ ជាមួយអាឡឺម៉ង់ផងដែរ៕
ប្រភពព័ត៍មាន៖ Besoccer