បរទេស៖ Jadon Sancho ត្រៀមនឹងឆ្លងកាត់ការធ្វើតេស្ត៏សុខភាពជាមួយក្រុមបិសាចក្រហម Man. Utd នៅថ្ងៃអង្គារនេះហើយ ។ ខ្សែបំរើស្លាបក្រុមតោកំណាចអង់គ្លេសរូបនេះនឹងត្រៀមចូលរួមក្នុងដំណើរការនៃការផ្ទេរនៅឯទិលានហ្វឹកហាត់ Carrington ដើម្បីបិទបញ្ចប់ការផ្ទេរជាផ្លូវការណ៏ពី Dortmund យោងគេហទំព័រ Dailymail បានចុះផ្សាយ។
ប្រភពខាងលើបន្តថាមុនពេលចេញដំណើរវិស្សមកាលលំហែអតីតយុវជនថ្នាលក្លឹប Manchester City និងត្រៀមបញ្ចប់ការចុះកុងត្រាជាមួយតម្លៃផ្ទេរមកកាន់កីឡាដ្ឋានOld Traffordនូវក្នុងតម្លៃកំណត់ត្រាប្រមាណ ៨៥ លានផោន។
គួរបញ្ជាក់ថាក្រុមបិសាចក្រហម Man. Utd បានតាមប្រម៉ាញ់ Jadon Sancho អស់រយៈពេលជាងមួយឆ្នាំមកហើយប៉ុន្តែត្រូវបានខកខាន កិច្ចព្រមព្រៀងនៃការផ្ទេរនោះ និង ទើបតែឈានដល់ការ ផ្លាស់ប្តូរជាផ្លូវការណ៏ជាចុងក្រោយនៅដើមខែនេះប៉ុណ្ណោះ។ ទីបំផុត Jadon Sancho បានយល់ព្រមលើលក្ខខណ្ឌផ្ទាល់ខ្លួនជាមួយ Man. Utd ហើយការឆ្លងកាត់ការពិនិត្យសុខភាពវេជ្ជសាស្ត្រគឺជាជំហានចុងក្រោយសម្រាប់ការផ្ទេរនេះត្រូវបានបញ្ចប់។ យ៉ាងណាមិញ ប្រភពពីESPN បានបញ្ជាក់ថាSanccho នឹងចុះហត្ថលេខាលើកិច្ចព្រមព្រៀងរយៈពេល ៥ ឆ្នាំជាមួយនឹងជម្រើសបន្តមួយឆ្នាំទៀតបន្ទាប់ពីទទួលការពិនិត្យសុខភាពដោយជោគជ័យរួចមក៕
ប្រភពព័ត៍មាន៖ Sportskeeda