បរទេស៖ អ្នកចាំទីអុីតាលី Gianluigi Donnarumma ត្រូវបានអ្នកគាំទ្រកោតសរសើរចំពោះកាយវិការដ៏ត្រជាក់ក្រោយពីជួយសង្គ្រោះបាល់ប៉េណាល់ទីដ៏សំខាន់ក្នុងការប្រកួតវគ្គផ្តាច់ព្រ័ត្រ Euro ២០២០ ទល់នឹងអង់គ្លេស។
ទោះបីជាយ៉ាងណាក៏ដោយអ៊ីតាលីបានខកខានការទាត់បញ្ចូលទីបាល់ប៉េណាល់ទីកាត់សេចក្តីដល់ទៅ២លើកឯណោះក្នុងចំណោមបាល់កាត់សេចក្តី៥គ្រាប់របស់ពួកគេ ប៉ុន្តែការសង្គ្រោះបាល់របស់ Donnarumma ពីជើងខ្សែប្រយុទ្ធក្រុមកាំភ្លើងធំ Arsenal កីឡាករ Saka, Rashford និង Sancho ក៏បានជួយអោយអុីតាលីឈ្នះពាន Euro ជាលើកដំបូងចាប់តាំងពីឆ្នាំ១៩៦៨។
ជំនួសអោយការអបអរសាទរ Gianluigi Donnarumma បានបង្ហាញពីកាយវិការស្ងាត់ស្ងៀម និងមិនរំភើបញាប់ញ័រអ្វីនោះទេ មុនពេលដែលត្រូវបានមិត្តរួមក្រុមរត់មកចោមរោម ដើម្បីអបអរសាទរយ៉ាងខ្លាំង។ មានសំណួរបានចោតសួរពីទង្វើមួយនេះ ហើយត្រូវបានកីឡាករ Donnarumma បានប្រាប់ទូរទស្សន៍ Sky Sport Italia នូវចម្លើយយ៉ាងខ្លីថា៖ «ខ្ញុំមិនបានអបអរទេ ពីព្រោះតែខ្ញុំមិនបានដឹងថាយើងបានឈ្នះជើងឯកហើយនោះទេ»។
យ៉ាងណាមិញអ្នកគាំទ្រអ៊ីតាលីំមួយចំនួនបែរជាយល់ឃើញថាសកម្មភាពរបស់ Donnarumma គឺអាចនិងត្រូវបាន VAR ចាប់កំហុសក្នុងករណីដែលជើងរបស់គាត់ឈរហួសខ្សែបន្ទាត់បង្គោលទីនោះ។ វាមិនមែនជាលើកទី ១ ទេដែលអ្នកចាំទីមិនបានបង្ហាញពីអារម្មណ៏រំភើបក្នុងការសង្គ្រោបាល់ប៉េណាំងទី ក៏ព្រោះតែពីមុនមកធ្លាប់មានអ្នកចាំទីជើងចាស់អង់គ្លេស David Seaman ធ្លាប់បង្ហាញឥរិយាបទបែបនេះដូចគ្នាពេលប្រកួតជាមួយអេស្បាញនៅ Euro ឆ្នាំ ១៩៩៦ ផងដែរ៕
ប្រភពព័ត៍មាន៖ Metro