បរទេស៖ លោក Jurgen Klopp អ្នកចាត់ការទូទៅក្រុមហង្សក្រហម Liverpool បាននិយាយថាខ្សែការពារកណ្តាល Virgil Van Dijk (របួសសរសៃពួរជង្គង់តាំងពីរខែតុលា) និងដៃគូរបស់ខ្លួនគឺ Joe Gomez របួសជង្គង់បន្ទាប់ពី Van Dijk របួសបាន១សប្តាហ៏ ពួកគេបានបង្ហាញពីភាពរឹងមាំឡើងវិញបានច្រើនហើយក្រោយអវត្តមាន ជាច្រើនខែកាលពីរដូវកាលចាស់ ។
គ្រូបង្វឹកសញ្ចាតិអាឡឺម៉ង់រូបនេះក៏បានបង្ហើបពីពត៌មានល្អផ្សេងទៀតជុំវិញខ្សែការពារពីរនាក់ទៀតមាន Trent Alexander-Arnold ដែលបានរងរបួសកំលុងយុទ្ធនាការ Euro ២០២០ និង Joel Matip បានរបួសកជើងតាំងពីខែកុម្ភៈឆ្នាំមុនផងដែរ។ គួរបញ្ជាក់ថាកីឡាករទាំងបួននាក់បាននិងចូលរួមជាមួយមិត្តរួមក្រុមដោយកំពុងហាត់ប្រាណដើម្បីត្រៀមមប្រកួតកំដៅសាច់ដុំរបស់ពួកគេនៅជំរុំហ្វឹកហាត់មុនបើករដូវកាលរបស់ Liverpool នៅទីក្រុង Salzburg ប្រទេសអូទ្រីសនៅដើមសប្តាហ៏នេះ។
បញ្ហារបួសកីឡាករនៅតំបន់ការពារគឺស្ថិតក្នុងចំណោមហេតុផលសំខាន់បំផុតដែល Liverpool មិនអាចការពារតំណែងជើងឯក Premier League បានកាលពីរដូវកាលមុន៕
ប្រភពព័ត៍មាន៖ Sportsmole