បរទេស៖ ក្លឹបបិសាចក្រហម Manchester United ចង់អោយខ្សែបម្រើឆ្នើមរបស់ខ្លួនកីឡាករ Paul Pogba បន្តអាជីពរបស់ខ្លួននៅទឹកដី Old Trafford រហូតពេលដែលរូបគេចូលនិវត្តន៍អំពីអាជីពជាកីឡាករបាល់ទាត់។
អតីតខ្សែបម្រើឆ្នើមរបស់ក្លឹប Juventus រូបនេះនៅសល់កិច្ចសន្យាត្រឹមតែរយៈពេល១២ខែទៀតប៉ុណ្ណោះនៅជាមួយនឹងក្លឹប Manchester United ហើយត្រូវបានគេជឿជាក់ថា Paul Pogba អាចនឹងចាកចេញពីទឹកដី Old Trafford នៅអំឡុងពេលទីផ្សារដូវក្តៅនេះ។ ដោយក្លឹប Paris Saint-Germain កំពុងត្រៀមទឹកប្រាក់ប្រមាណ៥១លានផោនដើម្បីនាំយក Pogba ទៅកាន់ទឹកដី Parc des Princes ខណៈ Man Utd ក៏កំពុងតាមប្រមាញ់យក Camavinga ដើម្បីមកជំនួស Pogba ដូចគ្នា។
ទោះបីជាយ៉ាងណាក៏ដោយបើយោងទៅតាមគេហទំព័រ The Athletic បានអោយដឹងថាក្រុមរបស់លោក Ole Gunnar Solskjaer នឹងព្យាយាមបញ្ចុះបញ្ចូលអោយ Paul Pogba យល់ព្រមចុះកុងត្រាថ្មីជាមួយនឹងក្លឹបបន្តទៀត ដែលកុងត្រានោះអាចនឹងមានរយៈពេលយូរបំផុតរហូតដល់ពេល Pogba សម្រេចិត្តចូលនិវត្តន៍ពីអាជីពជាកីឡាករបាល់ទាត់។ របាយការណ៍បានបន្ថែមថា Pogba គឺមិនមានចំណាប់អារម្មណ៍ក្នុងការផ្ទេរទៅកាន់ក្លឹប PSG ខ្លាំងពេកទេ ហើយរូបតែងតែបើកចំហជានិច្ចក្នុងការបន្តកុងត្រាថ្មីជាមួយ United ទោះបីជាភ្នាក់ងាររបស់គាត់លោក Mino Riola បានចេញមកនិយាយកាលពីពេលកន្លងទៅថាពេលវេលារបស់បេក្ខភាពជ័យលាភី World Cup 2018 រូបនេះនៅ Old Trafford គឺដល់ទីបញ្ចប់ក៏ដោយ៕
ប្រភពព័ត៍មាន៖ Sportsmole
