បរទេស៖ លោក Ole Gunnar Solskjaer គ្រូបង្វឹកក្រុមបិសាចក្រហម Manchester United បានលើកឡើងថាមិនទានមានការសម្រេចចិត្តណាមួយត្រូវបានធ្វើឡើងថាទាក់ទងបញ្ហារបួសស្មាររបស់ Marcus Rashford នៅមុនពេលយុទ្ធនាការរដូវកាលថ្មី២០២១-២០២២ចាប់ផ្តើមនោះទេ។ ធ្លាប់មានបណ្តាញសារពត៌មានបានលើកឡើងថាខ្សែប្រយុទ្ធអន្តរជាតិអង់គ្លេស រូបនេះនឹងត្រូវធ្វើការវះកាត់របួសនៅចុងខែកក្កដាក្រោយពីស៊ូទ្រាំធ្វើការប្រកួតនិងប្រឈមជាមួយបញ្ហាសុខភាពនេះជាយូរមកហើយ។
ជាការឆ្លើយតបទាក់ទងបញ្ហានេះអ្នកចាត់ការទូទៅសញ្ជាតិន័រវេ Solskjaer បានបញ្ជាក់ថាជុំវិញសុខភាព កីឡាករវ័យ ២៣ ឆ្នាំរូបនេះដូច្នេះថាៈ យើងគិតពីជម្រើសនិងពេលេលាដើម្បីចាត់វិធានការល្អបំផុតសម្រាប់គាត់និងក្លឹប។ យើងកំពុងដោះស្រាយជាមួយអ្នកជំនាញទាក់ទងបញ្ហានេះហើយ ។ មានន័យថាRashfordក្រោយបញ្ចប់រដូវកាលPremier League បានតស៊ូ បង្ហាញខ្លួនចូលលេងបាន៥ប្រកួតនៅព្រឹត្តការណ៏ Euro ២០២០ និងបានជួយអង់គ្លេសឈានដល់វគ្គផ្តាច់ព្រ័ត្រ បើទោះបីជាបង្ហាញទម្រង់លេងដ៏ខកចិត្តក្រោយមិនបានសម្រេចបានគ្រាប់បាល់កាត់សេចក្តី១១ម៉ែត្រជាមួយអ៊ីតាលីយ៉ាងណាក្តី ។
រកបាន២១ គ្រាប់និងបង្កើតឪកាសបញ្ចប់ទីបាន ១៥ ដងក្នុងការបង្ហាញខ្លួនសរុប ៥៧ លើកកាលពីរដូវកាលចាស់ Rashfordត្រូវបានប៉ាន់ប្រមាណដោយក្រុមគ្រូពេទ្យវេជ្ជសាស្រ្តថាការវះកាត់របួសខ្នងរបស់គេអាចនិងត្រូវចាយពេលអស់ ១២សប្តាហ៏ស្មើនិង៣ខែមានន័យថាប្រសិនប្រតិបត្តិការចាប់ផ្តើមពេលនេះរូបគេនិងអាចអវត្តមានចូលលេងសមរ្ាប់ក្រុម រហូតដល់ខែតុលា២០២១ឯណោះ៕
ប្រភពព័ត៍មាន៖ Sportsmole