បរទេស៖ ក្រុម Barcelona បានដាក់សំណើរដោយធ្វើកិច្ចព្រមព្រៀងដោះដូរជាមួយខ្សែការពារ Samuel Umtiti ជាមួយ និង Donny van de Beek របស់ក្រុម Man Utd យោងគេហទំព័រ Sport បានចុះផ្សាយ ។គួររំលឹក ថាក្រោយសម្រេចចិត្តចាកចេញពីក្លឹបAjax និង ចាប់ ផ្តើមអាជីពរដូវកាលដំបូងកីឡាករអន្តរជាតិហូឡង់រូបនេះត្រូវបានក្រុម Man Unitedដាក់អោយរូបគេ លេង ជាកីឡាករបម្រុង។មានន័យថាDe Beek ចូលលេងបានតែ ៤ ដងប៉ុណ្ណោះ នៅ Premier League ខណៈ ដែលរៀមច្បងរួមសញ្ជាតិឃើញដូច្នេះក៏បានណែនាំដល់រូបគេគួរចាកចេញពីទឹកដី Old Traffrod ស្របពេល Arsenal បានសម្តែងការចាប់អារម្មណ៏។
សម្រាប់ Umtiti មិនបានជាប់ជម្រើស១១នាក់ដំបូងទៀងទាត់នោះទេ ក្រោមការដឹកនាំរបស់លោកRonald Koemanកាលពីរដូវកាលចាស់។ ទោះបីជាទើបតែចូលរួមហ្វឹកហាត់មុនបើករដូវកាលជាមួយ Barcelonaក្នុងនាមកីឡាករដែលរកបានប្រាក់ចំណូលច្រើនម្នាក់ប្រចាំក្លឹប ប៉ុន្តែ Barcelonaក៏កំពុងពិចារណាដាក់លក់កីឡាករបារាំងរូបនេះដើម្បីដោះស្រាយវិបត្តិហិរញ្ញវត្ថុដែលកើតមានឡើងដោយសាការរីករាលដាលនៃមេរោគកូវីត-១៩។
មួយវិញទៀត Man.Utdកំពុងតែបង្កើនការចរចារផ្ទេរយក Raphael Varane ដែលជាដៃគូសមាជិកជ័យលាភី World Cup ឆ្នាំ ២០១៨ របស់ Umtiti ហើយទន្ទឹមនឹងពេលនេះផងដែរ Umtiti កំពុងមានទំនាក់ទំនងក្នុងការខ្ចីជើងអតីតកីឡាករបស់ខ្លួនរូបនេះ ត្រឡប់ទៅកាន់ក្លឹបLyon វិញផងដែរ៕
ប្រភពព័ត៍មាន៖ Sportsmole