បរទេស៖ ក្រុមមេឃខៀវ Man City កំពុងពិចារណាលើសំណើរផ្លាស់ប្តូរដ៏គួរឱ្យភ្ញាក់ផ្អើលមួយសម្រាប់ខ្សែប្រយុទ្ធឆ្នើម Cristiano Ronaldo របស់ក្រុម Juventus ដើម្បីជំនួសតំណែង Sergio Aguero។
ម្ចាស់ជើងឯកអង់គ្លេសមានបំណងចង់បន្ថែមកីឡាករនៅតំបន់ប្រយុទ្ធមុនពេលទីផ្សារដោះដូរកីឡាករត្រូវបិទក្នុងរយៈពេល ៦ សប្តាហ៍បន្ទាប់ទៀត ក្រោយពីកីឡាករដែលរកគ្រាប់បាល់បានច្រើនបំផុតរបស់ពួកគេគឺAgueroបានផ្លាស់ទៅBarcelonaដោយគ្មានតម្លៃខ្លួនរួចមក ។ កន្លងមក Erling Braut Haaland របស់ក្រុមDortmund និង Harry Kane របស់ក្រុមTottenham មានទំនាក់ទំនងយ៉ាងជិតស្និទ្ធជាមួយក្រុមជើងឯកCarabao ៣ជំនាន់ចុងក្រោយជាប់ៗក្នា។ ទោះយ៉ាងណាអ្នកចាត់ការទូទៅសញ្ជាតិអេស្បាញលោក Pep Guardiola មានការស្ទាក់ស្ទើរចំពោះតម្លៃខ្លួនដ៏ខ្ពស់សម្រាប់តារាឆ្នើមទាំងពីររូបខាងលើនេះ។ គេហទំព័រ Calciomercato បានចុះផ្សាយថាMan.City ចង់បានវីរៈបុរសក្លឹបបិសាចក្រហមMan.Utdដែលធ្លាប់បានណាយពេល ៦ ឆ្នាំ ជាមួយក្លឹបគូប្រជែងរួមទីក្រុងមកកាន់កីឡាដ្ឋានEtihad Stadium មុនរដូវកាលថ្មីចាប់ផ្តើម។ ម្ចាស់ពានបាល់មាស៥សម័យ បានចំណាយពេល ៣ រដូវកាលចុងក្រោយជាមួយ Juventus ដោយស៊ុតបញ្ចូលទីបាន ១០១ គ្រាប់ក្នុងការបង្ហាញខ្លួន ១៣៣ ដងគ្រប់ក្របខណ្ឌប្រកួតនិងបានបង្កើតឪកាសបញ្ចប់ទី ២២ លើកផងដែរ ។
Ronaldo មានវ័យ៣៦ឆ្នាំទៅហើយ ខណៈប្រធានក្រុមជម្រើសជាតិ ព័រទុយហ្កាល់រូបនេះមានកិច្ចសន្យាឆ្នាំចុងក្រោយ ជាមួយក្លឹបនៅទីក្រុងទូរីន ទោះយ៉ាងណាពួកគេអាចនិងពិចារណាលើសំណើរសាជាថ្មីប្រសិនជាMan.City បង្កើនការចរចារទ្វេដង ។ក្រៅពីMan.City កន្លងមក មានអតីតក្លឹប Man United និង Paris Saint-Germain ក៏មានពាក្យចចាមអារ៉ាមលើកឡើងថាបានប្រជែងគ្នាចុះហត្ថលេខាខ្សែប្រយុទ្ធស្លារូបនេះ ប្រសិនជារូបគេមានបំណងចាកចេញពីកីឡដ្ឋាន Allianz នៅរដូវក្តៅនេះពិតប្រកដមែន៕
ប្រភពព័ត៍មាន៖ Sportsmole