បរទេស៖ អ្នកចាត់ការទូទៅក្រុមបិសាចក្រហមលោក Ole Gunnar Solskjaer បានចុះកុងត្រាថ្មីដើម្បីបន្តដឹកនាំក្រុមជើងឯកអង់គ្លេស២០សម័យ រហូតដល់ឆ្នាំ ២០២៤ និងមានជម្រើសបន្តកិច្ចសន្យាមួយឆ្នាំបន្ថែមទៀត។
បុរសសញ្ជាតិន័រវេបច្ចុប្បន្នមានវ័យ ៤៨ ឆ្នាំបានក្លាយជាគ្រូបង្វឹក ពេញសិទ្ធិនៅខែមីនាឆ្នាំ ២០១៩ក្រោយចំណាយពេលទទួលបន្ទុកដឹកនាំជាបណ្តោះអាសន្នបន្ទាប់ពីក្លឹបចែកផ្លូវជាមួយលោក Jose Mourinho អស់រយៈពេល៣ ខែរួចមក។ ព្រឹត្តការណ៏រដូចកាល២០២១-២០២២កន្លងទៅលោក Solskjaer បានត្រឹមតែជួយក្លឹបបញ្ចប់រដូវកាលឈរនៅលេខរៀងទី ២ ក្នុងក្របខណ្ឌលីកកំពូលអង់គ្លេស Premier League កាលពីរដូវកាលមុននិងបានឈានដល់វគ្គផ្តាច់ព្រ័ត្រពានរង្វាន់ធំទីពីរសម្រាប់ល់ទាត់អាជីពទ្វីបអឺរ៉ុប Europa League បន្ទាប់ពីចាញ់ Villareal។
ក្នុងនាមអតីតជាខ្សែប្រយុទ្ធរបស់ Man Utd លោក Solskjaer ក៏ធ្លាប់បានចំណាយពេល ១១ រដូវកាលនិងធ្លាប់ដើរតួជាវីរៈបុរសដែលរកបានគ្រាប់បាលនៅវគ្គផ្តាច់ព្រ័ត្រ Champions League កាលពីឆ្នាំ ១៩៩៩ពេលផ្តួលក្រុមយក្សអាឡឺម៉ង់Bayern Munich ។រូបលោកក៏ជាគ្រូបង្វឹកអចិន្ត្រៃយ៍ទី ៤ និងបានចុះកិច្ចសន្យាដឹកនាំក្លឹបរយៈពេល៣ ឆ្នាំកាលពី ខែមីនាឆ្នាំ ២០១៩ពោលគឺ គិតចាប់តាំងពីកំពូលគ្រូបង្វឹកលោក Sir Alex Ferguson ចូលនិវត្តន៍កាលពីឆ្នាំ ២០១៣ ។ក្នុងរដូវកាលដំបូងរបស់គាត់បានដឹកនាំក្រុមឈានដល់ចំណាត់ថ្នាក់លេខ ៣នៅពេលដែលពួកគេក៏បានឡើងទៅវគ្គពាក់កណ្តាលផ្តាច់ព្រ័ត្រនៃពានរង្វាន់ Europa League ដោយចាញ់ Sevillaផងដែរ៕
ប្រភពព័ត៍មាន៖ BBC
