បរទេស៖ ក្លិប Tottenham Hotspur បានចុះហត្ថលេខាជាមួយនឹងខ្សែបម្រើស្លាប Bryan Gil ពីក្លិប Sevilla ខណៈដែល Erik Lamela បានផ្ទេរទៅកាន់ក្លិបស្ថិតក្របខ័ណ្ឌអេស្ប៉ាញមួយនេះ ជំនួសវិញ កាលពីថ្ងៃចន្ទ ប៉ុន្តែ ក្លិបស្ថិតក្នុងក្របខ័ណ្ឌ Premier League ត្រូវបានបន្ថែមតម្លៃខ្លួន២៥លានអឺរ៉ូ (ស្មើនឹង២៩,៥លានដុល្លារអាមេរិក) ទៀត។
Gil បានយល់ព្រមចុះកិច្ចសន្យារហូតដល់ឆ្នាំ២០២៦ ជាមួយនឹងក្លិប Tottenham។ ខ្សែបម្រើស្លាបវ័យ២០ឆ្នាំរូបនេះ នឹងត្រូវចូលរួមជាមួយនឹងមិត្តរួមក្រុមថ្មីរបស់គេ នៅកីឡដ្ឋាន Tottenham Hotspur បន្ទាប់ពីបញ្ចប់យុទ្ធនាការកីឡាបាល់ទាត់ក្នុងព្រឹត្តិការណ៍អូឡាំពិកទីក្រុងតូក្យូ ដែលជាកន្លែងរូបគេកំពុងតែលេងតំណាងឲ្យក្រុមជម្រើសជាតិអេស្ប៉ាញ។ ការព្រមព្រៀងលើការផ្ទេរនេះ ក៏បញ្ចប់ពេលវេលារបស់ Lamela ត្រឹមរយៈពេល៨ថ្ងៃនៅក្លិប Spurs ផងដែរ។
ខ្សែបម្រើស្លាបសញ្ជាតិអាហ្សង់ទីន Lamela បានផ្ទេរមកពីក្លិប Roma ក្នុងខែសីហា ឆ្នាំ២០១៣ និងបានបង្ហាញខ្លួន២៥៧លើក ក្នុងរាល់យុទ្ធនាការទាំងអស់។ Spurs បានឲ្យដឹងក្នុងសេចក្តីថ្លែងការណ៍មួយលើគេហទំព័ររបស់ពួកគេថា៖ «បុរសម្នាក់ដែលឆ្លងផុតដំណាក់កាលជាច្រើន យើងសូមជូនពរឲ្យ Erik ជួបតែសំណាងល្អនៅថ្ងៃអនាគត»៕
ប្រភពព័ត៌មាន៖ Channel News Asia