បរទេស៖ ក្លិប Manchester City ត្រូវបានគេរាយការណ៍ថាបានកំណត់ខ្សែប្រយុទ្ធ Robert Lewandowski របស់ក្លិប Bayern Munich ថាជាគោលដៅចំបងរបស់ខ្លួន។
ក្រុមម្ចាស់ជើងឯកក្របខ័ណ្ឌ Premier League មួយនេះត្រូវបានគេដឹងថាកំពុងចាប់អារម្មណ៍ក្នុងការចុះហត្ថលេខាយក Harry Kane ពីក្លឹប Tottenham Hotspur នៅរដូវក្តៅនេះ។ ទោះយ៉ាងណាក៏ដោយប្រធានក្លិប Spurs លោក Daniel Levy នៅតែមិនចង់លក់ខ្សែប្រយុទ្ធឆ្នើមរបស់ខ្លួនរូបនេះ ដោយរូបលោកដាក់តម្លៃ Harry Kane ដល់ទៅ១៦០ផោនឯណោះប្រសិនបើមានក្លឹបចង់បាន។
បើយោងទៅតាមការចុះផ្សាយរបស់ Daily Mail បានឲ្យដឹងថា Man City អាចប្តូរការចាប់អារម្មណ៍របស់ខ្លួនទៅ Lewandowski វិញ ប្រសិនបើលោក Levy មិនព្រមទម្លាក់តម្លៃខ្លួនរបស់ Harry Kane។ Lewandowski បានបើកចំហរដើម្បីទទួលយកការប្រកួតប្រជែងថ្មី បន្ទាប់ពីទទួលបានជោគជ័យជាខ្លាំងក្នុងរយៈពេល ៧ ឆ្នាំនៅឯទឹកដី Allianz Arena៕
ប្រភពព័ត៍មាន៖ Sportsmole