បរទេស៖ ខណៈដែល Man Utd បានធ្វើការប្រកួតមិត្តភាពមុនបើករដូវកាលជាមួយ QPR និងកំពុងត្រៀមលក្ខណៈហ្វឹកហាត់បន្តទៀតជាមួយកីឡាករឆ្នើមៗដែលវិលត្រលប់មកពីវិស្សមកាល ក្រោយបំពេញកាតព្វកិច្ចលើឆាកអន្តរជាតិ ក្លិបក៏បាននិងកំពុងពិភាក្សាជាមួយខ្សែប្រយុទ្ធ Marcus Rashford ដើម្បីដោះស្រាយពីបញ្ហារបស់ស្មារបស់គេ។
គួរបញ្ជាក់ថា កីឡាករវ័យ ២៣ ឆ្នាំរូបនេះបានតស៊ូលេងជាមួយបញ្ហារបួស រហែកសាច់ដុំស្មាមួយចាប់តាំងពីខែវិច្ឆិកាពោលគឺជំនះលេង ទាំងឈឺចាប់សម្រាប់ក្រុមបិសាចក្រហមនិងជម្រើសជាតិអង់គ្លេសនៅព្រឹត្តការណ៏Euro២០២០ផងដែរ។ ការវះកាត់នៅលើស្មាខាងឆ្វេងរបស់Rashfordទំនងជាក្លឹបចង់ជៀសវាងណាស់ក្នុងកាលៈទេសៈបែបនេះតែវានិងត្រូវដល់ពេលវេលាហើយដូច្នេះប្រសិនជាការវះកាត់និងធ្វើឡើងក្នុងពេលឆាប់ៗ ដូចការគ្រោងទុក ដូច្នេះក្លឹបនិងត្រូវអវត្តមានរូបគេដល់ទៅ ២ ខែដំបូងនៃរដូវកាលថ្មី។
ទោះយ៉ាងណាMan.Utdសង្ឃឹមថាសមាជិកថ្មី Jadon Sancho នឹងបានបំពេញតួនាទីនេះនាពេលដែលRashfordត្រូវធ្វើការវះកាត់ដើម្បីផ្តល់ពេលវេលាដល់មិត្តរួមជាតិ និងងជាមិត្តរួមក្រុមរូបនេះបានសម្រាក់ព្យាបាលរបួសបានគ្រប់គ្រាន់៕
ប្រភពព័ត៍មាន៖ Metro