បរទេស៖ ទីបំផុតក្រុម Bayern Munich បានឆ្លើយតបទៅកាន់ក្រុមតោខៀវ Chelsea ថាខ្សែប្រយុទ្ធឆ្នើមដែលពោរពេញទៅដោយបទពិសោធន៏របស់ពួកគេគឺ Robert Lewandowski មិនមែនសម្រាប់លក់នៅរដូវក្តៅនេះឡើយ។
ក្លឹប Chelsea កំពុងប្រឡូកចូលក្នុងទីផ្សារដោះដូរកីឡាករដើម្បីសម្លឹងឱកាសតាមប្រម៉ាញ់ខ្សែប្រយុទ្ធថ្មីសម្រាប់ត្រៀមប្រជែងពាននៅរដូវកាលថ្មីខាងមុខនេះ ដែលក្នុងនោះរួមមានខ្សែប្រយុទ្ធ Erling Haaland ជាគោលដៅអាទិភាព។ ប៉ុន្តែតម្លៃខ្លួនដ៏ខ្ពស់ដល់ទៅ១៥០លានផោននាំអោយម្ចាស់ជើងឯក Champions League បង្វែរចំណាប់អារម្មណ៍របស់ខ្លួនទៅកាន់ខ្សែការពារវ័យ៣២ឆ្នាំ Robert Lewandowski វិញ។
ខ្សែប្រយុទ្ធអន្តរជាតិប៉ូឡូញរូបនេះបានដើរតួយ៉ាងសំខាន់សម្រាប់ក្រុម Bayern Munich កាលពីរដូវកាលកន្លងទៅដោយរូបគេអាចរកបាន៤១គ្រាប់នៅក្នុងក្របខណ្ឌ Bundesliga ប៉ុន្តែទោះបីជាយ៉ាងណាកិច្ចសន្យារបស់គេជាមួយនឹងក្លឹប Bayern នៅសល់ត្រឹមតែរយៈពេល២ឆ្នាំទៀតប៉ុណ្ណោះ៕
ប្រភពព័ត៍មាន៖ Metro
