បរទេស៖ ខ្សែប្រយុទ្ធ Lionel Messi នឹងបញ្ចប់អាជីពរបស់គេជាមួយនឹងក្លិប Barcelona ត្រឹមរយៈពេល២០ឆ្នាំ ក្រោយពីតារាឆ្នើមអន្តរជាតិអាហ្សង់ទីនរូបនេះ មិនបានឈានដល់ការព្រមព្រៀងគ្នាមួយលើកិច្ចសន្យាថ្មីជាមួយនឹងក្លិបរបស់គេ។
:focal(1351x518:1353x516)/origin-imgresizer.eurosport.com/2021/08/05/3195406-65463388-2560-1440.jpg)
នេះបើយោងទៅតាមការប្រកាសរបស់ក្លិបយក្សអេស្ប៉ាញមួយនេះ កាលពីថ្ងៃព្រហស្បតិ៍។ ក្លិប Barca បានឲ្យដឹងក្នុងសេចក្តីថ្លែងការណ៍មួយថា៖ «បើទោះបីការព្រមព្រៀងគ្នាមួយត្រូវបានឈានដល់រវាងក្លិប FC Barcelona និង Leo Messi ក៏ដោយ ប៉ុន្តែ ការព្រមព្រៀងគ្នានេះ មិនអាចកើតឡើងជាផ្លូវការឡើយ ដោយសារតែបញ្ហាសេដ្ឋកិច្ច និងឧបសគ្គនៃរចនាសម្ព័ន្ធ»។ ក្លិបបានបញ្ជាក់បន្ថែមថា៖ «ដោយសារតែការប្រឈមមុខនឹងបញ្ហានេះ Lionel Messi នឹងមិនបន្តនៅជាមួយនឹងក្លិប Barcelona ឡើយ។
ភាគីទាំង២ ពិតជាសោកស្តាយណាស់ដែលបំណងរបស់កីឡាករ និងក្លិប មិនអាចក្លាយជាការពិត»។ ការប្រកាសដ៏គួរឲ្យភ្ញាក់ផ្អើលកាលពីថ្ងៃព្រហស្បតិ៍ បានបង្កើតឲ្យមានរបត់ថ្មីមួយក្នុងរឿងរ៉ាវដែលអូសបន្លាយពេលអស់រយៈពេលជាយូរអង្វែងមួយ ខណៈដែល Barcelona ហាក់បានង្ហាញពីភាពជាក់លាក់របស់ខ្លួនក្នុងការរក្សាទុក Messi ដែលត្រូវបានចាត់ទុកថា ជាកីឡាករម្នាក់ ក្នុងចំណោមកីឡាករដ៏អស្ចារ្យបំផុតគ្រប់ពេលទាំងអស់។
តារាឆ្នើមជើងចាស់រូបនេះ ធ្លាប់បានព្យាយាមចាកចេញកាលពីខែសីហា ឆ្នាំមុន ក្នុងនាមជាកីឡាករគ្មានតម្លៃខ្លួន ប៉ុន្តែ អ្វីដែលជាការរំពឹងទុកនោះគឺថា រូបគេនឹងបន្តនៅជាមួយនឹងក្លិបអេស្ប៉ាញមួយនេះ ក្នុងរយៈពេលយ៉ាងហោចណាស់៥ឆ្នាំទៀត ពោលគឺរហូតដល់ឆ្នាំ២០២៦ ដែលនៅពេលនោះរូបគេនឹងមានអាយុ៣៩ឆ្នាំ។
កីឡាករវ័យ៣៤ឆ្នាំរូបនេះ បានចុះហត្ថលេខាជាលើកដំបូងរបស់គេជាមួយនឹងក្លិប Barcelona ក្នុងឆ្នាំ២០០០ ដែលនៅពេលនោះរូបគេមានវ័យត្រឹមតែ១៣ឆ្នាំប៉ុណ្ណោះ។ ប៉ុន្តែ ទោះបីជាយ៉ាងណា រូបគេបានក្លាយកីឡាករមិនជាប់កិច្ចសន្យាក្លិបណាទាំងអស់ ចាប់តាំងពីថ្ងៃទី៣០ ខែមិថុនា នៅពេលដែលកិច្ចសន្យារបស់គេបានផុតកំណត់៕
ប្រភពព័ត៌មាន៖ Channel News Asia
