បរទេស៖ នៅក្នុងរឿងរ៉ាវដ៏គួរឲ្យចាប់អារម្មណ៍បំផុតនាពេលបច្ចុប្បន្ន ក្លិប Barcelona បានប្រកាសកាលពីថ្ងៃព្រហស្បតិ៍ថា Lionel Messi ដែលជាម្ចាស់ពានរង្វាន់បាល់មាស Ballon d’Or ៦សម័យកាល នឹងចាកចេញពីក្លិបនេះ ក្រោយពីបាននៅអស់រយៈពេល២០ឆ្នាំ។ ក្លិបយក្សអេស្ប៉ាញមួយនេះ បានបញ្ជាក់ថា បទបញ្ជាផ្ទៃក្នុងផ្នែកហិរញ្ញវត្ថុ ដែលត្រូវបានដាក់ឲ្យអនុវត្តដោយក្របខ័ណ្ឌ La Liga បានរារាំងពួកគេមិនឲ្យរក្សាទុកខ្សែប្រយុទ្ធដ៏ឆ្នើមបំផុតរបស់ពួកគេ ដែលនាំឲ្យមានសំណួរថា តើ Messi នឹងទៅណា?
ក្លិប MANCHESTER CITY
នៅពេលដែល Messi ស្នើសុំចាកចេញពីក្លិប Barca កាលពីឆ្នាំ២០២០ រូបគេត្រូវបានរំពឹងទុកថា នឹងចូលរួមជាមួយនឹងអតីតគ្រូបង្វឹករបស់គេគឺលោក Pep Guardiola នៅ Man City។ ប៉ុន្តែស្របពេលដែល Man City ទើបតែបានចុះហត្ថលេខាជាមួយនឹង Jack Grealish និងកំពុងតែទាក់ទងផ្ទេរ Harry Kane ពី Tottenham Hotspur ផ្លូវទៅកាន់កីឡដ្ឋាន Etihad អាចនឹងបិទរួចទៅហើយសម្រាប់ Messi។
ក្លិប PARIS ST GERMAIN
នេះប្រហែលជាគោលដៅដែលច្បាស់លាស់ជាងគេហើយសម្រាប់ Messi។ ក្នុងនាមជាក្លិបមួយក្នុងចំណោមក្លិបមិនច្រើនក្នុងពិភពកីឡាបាល់ទាត់ ដែលអាចមានសមត្ថភាពបង់ប្រាក់បៀរវត្សរ៍បាន PSG បានទាក់ទងជាមួយនឹងការផ្ទេរយក Messi ចាប់តាំងពីពួកគេត្រូវបានគ្រប់គ្រងដោយមហាសេដ្ឋកាតាមកម្ល៉េះ។ ជាមួយនឹងការមានគ្រូបង្វឹកសញ្ជាតិអាហ្សង់ទីនលោក Mauricio Pochettino ដឹកនាំ ក៏ដូចជាមិត្តជិតស្និទ្ធ Neymar និងតារាឆ្នើម Kylian Mbappe លេងជាកៃគូ Messi ប្រហែលជាអាចបង្ហាញពីភាពខ្លាំងរបស់ខ្លួនក្នុងក្លិបរបស់បារាំងនេះបាន។
បន្តនៅជាមួយក្លិប BARCELONA
/cdn.vox-cdn.com/uploads/chorus_image/image/69685851/1232937014.0.jpg)
អ្នកវិភាគមួយចំនួនជឿជាក់ថា ការប្រកាសនេះ គ្រាន់តែការបង្កើតការភ្ញាក់ផ្អើលក្នុងក្របខ័ណ្ឌ La Liga ពីក្លិប Barcelona ប៉ុណ្ណោះ។ ពួកគេបានប្រកាសថា កីឡាករដ៏ឆ្នើមបំផុតរបស់ខ្លួននឹងចាកចេញពីលីកនេះ ដោយសារតែបញ្ហាច្បាប់ហិរញ្ញវត្ថុ ហើយការប្រកាសបែបនេះ ដោយសារតែ Barcelona ចង់ឲ្យមានការបន្ធូរបន្ថយលើការអនុវត្តក្នុង La Liga ដើម្បីរក្សាទុក Messi៕
ប្រភពព័ត៌មាន៖ Channel News Asia
