បរទេស៖ ខ្សែប្រយុទ្ធ Lionel Messi បានប្រកាសកាលពីថ្ងៃអាទិត្យថា រូបគេនឹងចាកចេញពីក្លិប Barcelona ក្រោយពីបានចំណាយពេលអស់១៧ឆ្នាំ ខណៈដែលក្លិប Paris Saint Germain ហាក់ដូចជាគោលដៅបន្ទា់ដែលរូបគេទៅត្រូវដើម្បីបន្តអាជីពរបស់គេ។
Messi ដែលបានជូតទឹកភ្នែកជាលើក នៅពីមុខអ្នកយកព័ត៌មានជាច្រើននាក់នាកីឡដ្ឋាន Camp Nou ក្នុងពេលប្រកាសពីការចាកចេញរបស់គេនោះ បានឲ្យដឹងថា៖ «ខ្ញុំនៅតែមិនទានអាច់ទទួលយកបានចំពោះការពិតដែលត្រូវចាកចេញពីក្លិបនេះ។ ខ្ញុំស្រឡាញ់ក្លិបនេះខ្លាំងណាស់»។ Messi ដែលត្រូវបានចាត់ទុកថា ជាកីឡាករដ៏ឆ្នើមបំផុតម្នាក់ នៅក្នុងប្រវត្តិសាស្ត្រនៃកីឡានេះ បានឈ្នះពាន៣៥ជាមួយនឹងក្លិប Barcelona ដែលរូបគេបានចូលរួមតាំងពីវ័យ១៣ឆ្នាំ ក្នុងនោះរាប់បញ្ចូលទាំងការឈ្នះពានក្របខ័ណ្ឌ Champions League ៤លើក ពាន La Liga ១០លើក ក៏ដូចជាបានស៊ុតបាល់បញ្ចូលទី៦៧២គ្រាប់។
បើទោះបីយល់ព្រមកាត់ប្រាក់ខែរបស់ខ្លួនមកនៅត្រឹមពាក់កណ្តាល ដើម្បីបំពេញកិច្ចសន្យាថ្មីរយៈពេល៥ឆ្នាំ ដែលក្លិបត្រូវជំពាក់បំណុល១,២ពាន់លានអឺរ៉ូ (ស្មើនឹង១,៥ពាន់លានដុល្លារអាមេរិក) ហើយកីឡាកររូបនេះបានយល់ព្រមក៏ដោយ ប៉ុន្តែ ការព្រមព្រៀងគ្នានេះ មិនអាចទៅរួចដោយសារតែច្បាប់រិតត្បិតដ៏តឹងរឹងទៅលើប្រាក់ខែកីឡាករក្នុងក្របខ័ណ្ឌ La Liga។ ជាមួយគ្នានេះ បើទោះបីមិនទាន់មានកិច្ចព្រមព្រៀងណាមួយកើតឡើងក៏ដោយ ប៉ុន្តែ Messi បានទទួលស្គាល់ថា ក្លិប PSG ទំនងជាគោលដៅដែលរូបគេត្រូវចូលរួមបន្ទាប់៕
ប្រភពព័ត៌មាន៖ Channel News Asia
