បរទេស៖ បារាំង កំពុងតែរង់ចាំ Lionel Messi យ៉ាងអន្ទះសារ ស្របពេលដែលអ្នកគាំត្រជាច្រើនបានប្រមូលផ្តុំគ្នានៅខាងក្រៅកីឡដ្ឋាន Paris Saint-Germain កាលពីថ្ងៃចន្ទ ដោយសង្ឃឹមថា អាចឃើញតារាឆ្នើមអន្តរជាតិអាហ្សង់ទីនរូបនេះ ដែលត្រូវបានរំពឹងទុកថា នឹងចូលរួមជាមួយនឹងក្លិបដែលមានម្ចាស់កម្មសិទ្ធិសញ្ជាតិកាតាមួយនេះ ក្រោយពីការចាកចេញរបស់គេពីក្លិប Barcelona។
អ្នកគាំទ្ររបស់ PSG បានឈរនៅត្រង់កន្លែងចក្រចូលកីឡដ្ឋាន Parc des Princes ដោយសង្ឃឹមថា តារាឆ្នើមវ័យ៣៤ឆ្នាំរូបនេះ នឹងបង្ហាញខ្លួន ស្របពេលដែលអ្នកគាំទ្រផ្សេងទៀត បានប្រមូលផ្តុំគ្នានៅអាកាសយានដ្ឋាន Le Bourget ភាគខាងជើងនៃទីក្រុងប៉ារីស ក្រែងល Messi ចុះពីយន្តហោះនៅទីនោះ។ PSG ត្រូវបានរំពឹងទុកថា គឺជាគោលដៅបន្ទាប់របស់ Messi ក្រោយពីការចាកចេញពីក្លិប Barcelona ដែលរូបគេបានលេងឲ្យអស់រយៈពេល១៧ឆ្នាំ ក្នុងអាជីពដ៏ត្រចះត្រងចង់របស់គេ។
ប៉ុន្តែ ទោះបីជាយ៉ាងណា អ្នកយកព័ត៌មានរបស់ទូរទស្សន៍ AFP TV បានឃើញរូបគេនៅផ្ទះរបស់គេនៅឡើយក្បែរទីក្រុង Barcelona ជាមួយនឹងក្រុមគ្រួសាររបស់គេ រួមទាំងមិត្តភក្តិរបស់គេផងដែរគឺ Luis Suarez។ ប៉ុន្តែ កាសែតកីឡាប្រចាំថ្ងៃ L’Equipe បានសរសេរថា៖ «យើងគ្រាន់តែត្រូវរង់ចាំប៉ុន្មានម៉ោងទៀតប៉ុណ្ណោះ។ យើងកំពុងតែឆ្ពោះទៅកាន់ថ្ងៃដ៏អស្ចារ្យបំផុតក្នុងប្រវត្តិសាស្ត្ររបស់ក្របខ័ណ្ឌកីឡាបាល់ទាត់បារាំង»៕
ប្រភពព័ត៌មាន៖ Channel News Asia